Индербор кентінің Д.Қонаев және Ж.Сұлтанғалиев көшелері бойына күні кеше үш жаңа LED-экран орнатылды.
Көшеде еріксіз көз тартатын заманауи құрылғының мүмкіндігі мол. Нағыз насихат құралы екеніне куә болудасыздар. – Бұл – кентті безендіру аясында жүргізіліп жатқан жұмыстар. Жарықдиодты экрандарда Президенттің Жолдауы мен стратегиялық баста маларын, мемлекеттік бағдарламаларды халыққа жеңіл түрде түсіндіруде таптырмас дүние. Сондай-ақ, мұнда мәдени және басқа да түрлі іс-шаралар туралы ақпарат орналастырылатын болады, - дейді Индербор кенті әкімінің орынбасары Қайыржан Нұриевті сөзге тартқанымызда. Сонымен қатар, бұл заманауи ақпарат тақтасы табыс көзіне айналмақ. Кәсіпкерлерге жарнаманың жақсы болғаны кәсіптің де өрге дөңгелеріне кепіл береді.
С.САНСЫЗБАЙҰЛЫ
