Атырау қаласында экологиялық мәдениетті дамыту мақсатында «Таза Қазақстан» акциясы өтті. Игілікті шараға қаладағы №35 мектептің оқушылары қатысты.

Акция барысында жас өрендер 20-ға жуық тал-түптерін отырғызып, жасыл желектің көбеюіне өз үлестерін қосты. Ұйымдастырушылардың айтуынша, мұндай бастамалар оқушылардың табиғатқа жанашырлық сезімін арттыруға және туған жерге деген сүйіспеншілігін қалыптастыруға бағытталған.

Ақтілек Базарбаева

Балерке Құнбаева – 2017 жылғы «Жарқыра» әлеуметтік кәсіпкерлік байқауының жеңімпазы. «Теңізшевройл» компаниясының Әлеуметтік инвестициялар бағдарламасының қолдауымен Атырау облысында он жылдан астам уақыттан бері жүзеге асып келе жатқан жоба тұрғындарға әлеуметтік бастамаларын іске асыруға мүмкіндік беріп келеді. Сол жобаның арқасында Балерке фитнес-орталық ашып, Құлсарыдағы жүздеген әйелдің өмірін өзгертті.

Ұзақ уақыт бойы Жылыой ауданындағы Құлсары қаласында әйелдерге арналған жеке фитнес-клуб болмаған. Мұндай орталық ашу идеясы Балеркеге өзінің жеке тәжірибесінен және қала тұрғындарының көптеген өтініштерінен туған. «Көпшілік кеңес берді, өйткені менің қабілетім, тәжірибем, білімім бар еді», – дейді ол. Бүгінде оның «Ұшар» би мектебі мен фитнес-орталығы әйелдерді біріктіріп, оларға тек спортпен шұғылдану мүмкіндігін ғана емес, қолдау табуға, өзін ашуға және сенімді болуға жағдай жасап отыр.

Балеркенің айтуынша, жаттығулар әйелдерге ең алдымен күйзелісті жеңуге көмектеседі. «Көптеген әйелдер тұрмыстық тіршілікке, бала тәрбиесіне беріліп кетеді. Жеке уақыты болмайды. Ал спорт арқылы олар өзін дамыта бастайды», – дейді ол.
Нәтижесі анық: орталыққа келушілердің 90%-ы өмір салтын өзгертіп, белсендірек, сенімдірек әрі сымбатты бола түскен. Кейбірі тіпті өз кәсібін ашқан.

«Әйелдердің алғаш келгенде шаршап, уайымға батып жүретінін көремін. Ал бірнеше аптадан кейін олардың жүздері жадырап, күле бастайды. Олар үшін фитнес тек спорт емес, өзін тірі әрі әдемі сезінудің жолына айналады. Бұл – мен үшін де үлкен мотивация», – дейді Балерке.

Көптеген орталықтарда абонемент тек бір бағытқа шектелсе, Балеркедегі бағдарлама алуан түрлілігімен ерекшеленеді. «Бізде әр күн сайын әртүрлі жаттығулар өтеді – пилатес, би, степ-аэробика, йога, фитнес. Сол себепті әйелдер бірсарынды жаттығудан жалықпайды», – дейді ол. Бағасы да қолжетімді: толық бағдарлама ірі қалалардағыдан әлдеқайда арзан.

Өз арманын Балерке «Жарқыра» жобасының арқасында жүзеге асырды. 2017 жылы ол 3 миллион теңге көлемінде пайызсыз қарыз алып, қажетті құрал-жабдықтар сатып алып, екінші зал ашты. Жаттығулар тек залда ғана емес, ашық ауада – стадиондар мен спорт алаңдарында да өтеді.

Балеркеның мақсаты тек фитнес-орталықпен шектелмейді. Ол Жылыой ауданында фитнес саласын халықаралық стандарттарға сай етіп дамыту үшін жаттықтырушылар даярлауды жоспарлап отыр.

«Менің мақсатым – аймақтағы әрбір әйелдің өзіне және денсаулығына уақыт бөлуіне мүмкіндік беру. Халықаралық стандарттарға сәйкес жұмыс істейтін мамандарды дайындап, шағын қалаларға жаңа білім әкелгім келеді. Бұл ұзақ жол, бірақ біз міндетті түрде жүріп өтеміз деп сенемін».
«Фитнес өмірді өзгертеді. Әйелдердің өзін бағалай бастағанын, дені сау әрі бақытты болғанын көремін. Бұл – ең үлкен жеңіс», – дейді Балерке сеніммен.

Әлеуметтік кәсіпкерлікті дамытуға арналған «Жарқыра» бағдарламасы Атырау қаласы мен Жылыой ауданында 2016 жылдан бері жүзеге асырылып келеді. Ол әлеуметтік кәсіпкерлерді қолдаудың толық циклін қамтиды: өтінімдерді іріктеу мен оқытудан бастап, қаржыландыру, тәжірибе алмасу және тәлімгерлікке дейін.

Жоба 2009 жылдан бері Орталық Азияның Еуразия Қоры тарапынан «Теңізшевройл» компаниясының Әлеуметтік инвестициялар бағдарламасының қолдауымен жүзеге асырылуда. Осы уақыт ішінде әлеуметтік кәсіпкерлік саласында 82 стартап іске қосылды.

Атырау қаласына қарасты Дамбы ауылдық округінің халқына 200 орындық жаңа мәдениет үйінің кілті табысталып, ашылуына қала әкімі Шәкір Кейкін қатысты. Бұл туралы Өңірлік коммуникациялар қызметі хабарлайды.

Мәдениет ошағының аумағы толықтай абаттандырылып, ғимарат ішінде акт залы, кітапхана және әртүрлі үйірмеге арналған жеке кабинеттер бар.

            ⁃           Тұрғындарды жаңа мәдениет нысанының ашылуымен құттықтаймын. Ескі ғимарат Кеңес дәуірінде салынғандықтан талапқа сай емес еді. Жаңа нысанда ауылдың өнерпаздары мен жас таланттары халықтың рухани баюына үлес қосады деп сенемін. Қалаға салынып жатқан әлеуметтік нысандар ауылдарда да бой көтеруі керек. Сол арқылы өркениет пен мәдениетті қалыптастырамыз, - деді Ш. Кейкін.

Бұдан бөлек Атырауда қала күніне орай Алмалы ауылында осындай мәдениет үйі пайдалануға беріледі. Сондай-ақ бүгінде Атырауда 200, Тасқала ауылында 300 орындық мәдени ғимараттың құрылысы жүргізілуде.

Мемлекетіміз 2025 жылды «Жұмысшы мамандықтар жылы» деп жариялады. Бұл бастама — еңбек адамының мәртебесін көтеріп, жастарды нақты кәсіпке бағыттауға үлкен серпін беретін маңызды қадам.

Мемлекет басшысы Қасым-Жомарт Тоқаев биылғы жылды «Жұмысшы мамандықтар жылы» деп жариялау арқылы еңбек адамдарының қоғамдағы мәртебесін көтерудің маңызын айқындады. Бұл бастама – өндіріс пен ауыл шаруашылығында, құрылыс пен қызмет көрсету саласында тер төгіп жүрген қарапайым жұмысшыларға деген зор құрметтің белгісі.

1 қазан – Халықаралық қарттар күніне орай Атырау қаласында орналасқан Қазақстан Республикасы Ұлттық ұланының 5546  әскери бөлімінің әскери оркестрі қарттар үйінде қайырымдылық концертін ұйымдастырды.