Индерде 15 мамыр - Халықаралық Отбасы күніне орай “Отбасы - бақыт мекені” атты мерекелік шара өтті. Шара шымылдығы “Бойтұмар” би ансамблінің “Құрбылар” биімен басталды.

ҚҰЛПЫРҒАН КӨКТЕМНІҢ СОҢҒЫ ЛЕГІ БОЛЫП КЕЛЕТІН МАМЫР АЙЫНЫҢ АЛҒАШҚЫ КҮНІНЕН БАСТАП МЕРЕКЕЛЕР ТОЛАСТАМАЙДЫ. ОНЫҢ ІШІНДЕ ҰЛЫ ЖЕҢІС КҮНІНІҢ АЛАР ОРНЫ ЕРЕКШЕ. ӨЙТКЕНІ ӨТКЕН ҒАСЫРДЫҢ БЕЛ ОРТАСЫНДА 1418 КҮНГЕ СОЗЫЛҒАН ҚАНДЫ ҚАСАПҚА ИНДЕР АУДАНЫНАН САН МЫҢДАҒАН АЗАМАТ ҚАТЫСЫП, ОЛАРДЫҢ БІРҚАТАРЫ МАЙДАН ДАЛАСЫНАН ОРАЛМАЙ ЕРЛІКПЕН ҚАЗА ТАПСА, ЕНДІ БІРІ ЕЛГЕ АМАН-ЕСЕН КЕЛІП, БЕЙБІТ ЕЛДІҢ ТҮТІНІН ТҮЗУ ҰШЫРУҒА ЕРЕН ЕҢБЕК ЕТТІ. СОЛ АТАЛАРЫМЫЗДЫҢ МАҢДАЙ ТЕРІ МЕН ІЗІ ҚАЛҒАН МЕДИЕН ДАЛАДА АЛАМАН БӘЙГЕ ҰЙЫМДАСТЫРУ ДӘСҮРГЕ ЕНГІЗІЛГЕЛІ ҚАШАН. БҰЛ ҮРДІС БИЫЛҒЫ ЖЫЛЫ ДА ӨЗ ЖАЛҒАСЫН ТАПТЫ. ҰЛЫ ЖЕҢІСТІҢ 81 ЖЫЛДЫҒЫНА БАҒЫШТАЛҒАН ЖАРЫС ӨТЕТІН БӘЙГЕТӨБЕГЕ АУ­ДАН ХАЛҚЫ ЕРТЕМЕН ЖИНАЛДЫ.

 Ұлттық мектеп лигасының ұйымдастыруымен гандболдан өткен республикалық турнирде М.Әуезов атындағы орта мектеп командасы ІІ орын иеленсе, қыздар арасында Ш.Уәлиханов атындағы орта мектеп командасы ІІІ орынға қол жеткізді. М.Әуезов атындағы орта мектептің дене шынықтыру пәнінің мұғалімі Тұрғали Қадыров жаттықтыратын ұлдар командасы тек Түркістан қаласынан келген командаға ғана есе жіберген еді. Міне, сол жеңімпаз команда жаттықтырушылары мен оқушыларын аудан әкімі арнайы қабылдады.

ТАРАЗ ҚАЛАСЫНДА ЕРКІН КҮРЕСТЕН ЖАСӨСПІРІМДЕР АРАСЫНДА ӨТКЕН ХАЛЫҚАРАЛЫҚ ТУРНИР ӨЗ МӘРЕСІНЕ ЖЕТТІ. ДҮБІРЛІ ДОДАҒА ЕЛІМІЗДІҢ БІРНЕШЕ ӨҢІРІМЕН ҚАТАР ҚЫРҒЫЗСТАН, ӨЗБЕКСТАН ЖӘНЕ ТӘЖІКСТАН ЕЛДЕРІНЕН КЕЛГЕН ПА­ЛУАНДАР ҚАТЫСЫП, БОЗ КІЛЕМДЕ БАҚ СЫ­НАДЫ.

 ҚАЗІРГІ ҰРПАҚ – ЕРТЕҢГІ БОЛАШАҚ. СОНДЫҚТАН БҮГІНГІ ҚАБЫЛДАНҒАН ӘРБІР ШЕШІМ КЕЛЕР ҰРПАҚТЫҢ ТАҒДЫРЫНА ТІКЕЛЕЙ ӘСЕР ЕТЕДІ.

Соңғы уақытта көпшілікті толғандырып отырған маңызды мәселенің бірі – Индер көлінің тұзын игеру және «Арал Тұз», «Арал Сода» зауыттарын салу мәселесі. Бұл жобалардың экономикалық тиімділігі айтылғанымен, оның қоршаған ортаға, халық денсаулығына және мал шаруашылығына тигізер ықпалы жан-жақты саралануы қажет.Индер өңірінің экологиялық тепе-теңдігі бұзылса, оның зардабы бүкіл аймаққа әсер етуі мүмкін.

Жайық өзенінің суы жылдан жылға азайып барады. Егер алдағы уақытта өзенге келетін су көлемі қысқарса, бұл Атырау өңіріндегі ауыз су мәселесін одан әрі күрделендіреді.

Жерасты суларының басым бөлігі тұзды екенін ескерсек, табиғатты қорғау – баршамыздың ортақ міндетіміз.

Каспий теңізінің тартылуы, өндіріс орындарының көбеюі, экологиялық ахуалдың күрделенуі – халықтың денсаулығына тікелей қауіп төндіретін факторлар. Сондықтан Индер өңірінде өндіріс орындарын көбейтуден бұрын табиғи байлықты халық игілігіне тиімді пайдаланудың балама жолдарын қарастыру маңызды. Мәселен, Индердің емдік қасиеті мол табиғи ресур­старын пайдаланып, шипажайлар мен сауықтыру орталықтарын дамытуға толық мүмкіндік бар.

Еліміздің болашағына бейжай қарамай, туған жердің тағдыры үшін үн қосу – азаматтық міндетіміз. Ендеше, туған жеріміздің табиғатын сақтап, ұрпағымызға таза әрі қауіпсіз орта қалдыру үшін ойлануымыз керек. Себебі елдің ертеңі – бүгінгі біздің жауапкершілігімізде.

Мұса КҮСЕП,

кент тұрғыны

2026 жылдың 15 мамыры мен 15 маусымы аралығында Атырау облысы, оның ішінде Индер ауданы аумағындағы  Жайық өзені  және су айдындарында әуесқойлық , спорттық балық аулауға уақытша тыйым салынады.

Бұл шектеу балықтардың уылдырық шашу кезеңінде су жануарларын қорғау және табиғи қорды сақтау мақсатында енгізіліп отыр. Дәл осы кезеңде балықтарға тыныштық қажет, себебі олардың көбеюі мен табиғи өсіміне қолайлы жағдай жасалады.