Ақтөбе қаласында өтіп жатқан ҚР чемпионатында өңір спортшылары 1 алтын, 2 күміс медаль иеленді, деп хабарлайды AtyrauPress тілшісі.

Өңірлік коммуникациялар қызметінің мәліметінше, 63 келі салмақ дәрежесінде өнер көрсеткен Эсмигүл Куюлова қарсыластарын тізе бүктіріп, алтын медаль қанжығалады. Ал 57 келі салмақ бойынша бақ сынасқан Дана Абдирова екінші орынға ие болды. 78 келіде боз кілемде белдескен Айымзада Думанқызына да күміс медаль бұйырды.

- Облыстық делегацияның құрамында 32 спортшы бар. Жыл сайын бұл чемпионатқа жоғары деңгейде дайындаламыз. Мақсатымыз – биік шыңдарды бағындырып, еліміздің туын әлемдік додаларда көтеру. Оларға физикалық жаттығулардан бөлек, рухани да демеу беру біздің міндет, - деді дзюдодан Атырау облысының аға жаттықтырушысы Миржан Есмағанбетов.

14-19 қараша аралығында өтіп жатқан жастар мен жасөспірімдер арасындағы додоға еліміздің 20 өңірінен 400-ден астам спортшы қатысуда. Жеңімпаз атанған спортшылар Қазақстанның дзюдодан ұлттық құрамасына қосылады.

Сәуле МАҒАУ

Ол ерлер арасындағы масс-стартта мәреге бірінші болып жетті. Ұлттық құрама спортшысы соңғы секундтарда екі канадалық Давид ла Рун мен Хейден Майерден озып кетті. Бұл – Қазақстан құрамасының Жапония өтіп жатқан сайыстағы үшінші жүлдесі.

Еске сала кетейік, Виталий 2022 жылы Канаданың Квебек қаласында өткен Төрт құрлық чемпионатында 5 мың метрге жүгірісте жеңіске жеткен еді.

Ресейдің Қазан қаласында белбеу күресінен өтіп жатқан әлем чемпионатында атыраулық спортшылар ел қоржынына бір алтын, бір қола медаль салды, - деп хабарлайды Өңірлік коммуникациялар қызметі. 

95 кг салмақ дәрежесінде өнер көрсеткен Нұрмұхаммед Мугалов алғашқы кезеңде өзбек және орыс палуанын жеңді. Соңғы белдесуінде Казан қаласының спортшысын тізе бүктіріп, алтын медаль иеленді.

Ал Диас Ерболатов 55 кг салмақпен екі белдесуінде де есе жіберіп, үшінші кезеңде қырғыз палуанын ұтты. Кейін 3-орынға таласта тәжік спортшысын жеңіп, қола медаль қанжығалады.

- Қазақстан құрамасында Атырау облысынан 3 спортшы бар. Ал өңірлік делегациямен чемпионатқа Диас Ерболатовтың жеке бапкері Асылан Чапаев және облыстың аға жаттықтырушысы Жеңісхан Еркінғалиев аттанды. Айта кетейік, Нұрмұхаммед пен Диас белбеу күресінен сәуірде өткен ҚР чемпионатының жеңімпаздары, - деді облыстық белбеу күресі федерациясының дирекоры Асылбек Қалиев.

10-16 қараша аралығында өтіп жатқан жастар мен жасөспірімдер арасындағы додаға әлемнің 30 елінен 200 спортшы қатысуда. Олар жеребе арқылы жұптасып, боз кілемде бақ сынайды.

Хоккейден Қазақстан ерлер құрамасы Алматыда өткен тарихи Азия біріншілігінде алтын медаль жеңіп алды. Бұл туралы KAZ.NUR.KZ тілшісі хабарлайды. 

Бүгін, 9 қарашада Азия чемпионатының шешуші ойынында Қазақстан құрамасы Жапонияны 5:1 есебімен ойсырата ұтты.

Қазақстан командасының капитаны Евгений Рымарев дубль жасаса, қорғаушылар Егор Наместников пен Владимир Гребенщиков және шабуылшы Евгений Королинский бір шайбадан салды. Ал Қытай құрамасы сапынан тек Таига Ирикура мергендік танытты.

Турнир қорытындысына сәйкес, Қазақстан мен Жапония 6 ұпайдан жинады. Бірақ жеке кездесудегі нәтижесі үшін жеңіс қазақстандық хоккейшілерге берілді.

Осылайша тарихта алғаш рет өткен хоккейден Азия біріншілігінің алтыны Қазақстан қоржынына түсті. Жапония командасы күміс, Оңтүстік Корея қола жүлде иеленді. Бірде-бір рет жеңіске жетпеген Қытай хоккейшілері құрлық додасын төртінші орынмен аяқтады.

Айта кетейік, Қазақстан құрамасы Алматыдағы Азия біріншілігін жеңіліспен бастаған болатын. Олег Болякин шәкірттері алғашқы ойында оңтүстік кореялықтарға есе жіберді (4:1). Бірақ ұлттық құрама екінші матчта Қытай командасын ірі есеппен ұтты (6:1). 

Фото Федерация хоккея Казахстана

Құрманғазы ауданындағы Сафон және Жұмекен ауылында 48 орындық спорт кешеннің құрылысы басталды, - деп хабарлайды Өңірлік коммуникациялар қызметі.

Ғимараттардың жалпы ауданы 1548,6 шаршы метрді құрайды. Екі қабатты нысанның ішінде спорт зал, санитарлық тораптармен жабдықталған жаттықтырушыларға, әйелдер мен ерлерге  арналған  киім ауыстыру бөлмесі бар. Сонымен қатар, жобада  бас инжинер, күзетші кабинеті, техникалық-санитарлық бөлме мен медициналық көмек көрсету пункті қарастырылған. 

-    Қазір жер учаскесін дайындау жұмыстары аяқталып, іргетасы құйылып жатыр. Екі ауылға да 20 жұмысшы, 1 жүк тиегіш, 2 кран және 1 инефильтрлі сорғы техникасы жұмылдырылған. Құрылыс жұмыстары 2025 жылдың екінші тоқсанында аяқталады деп күтілуде, - деді аудандық құрылыс бөлімінің басшысы Жасұлан Сүндетов. 

Жалпы аталған екі ауылда 6 мыңға жуық адам тұрады. Округтерде бұрын-соңды спорт кешені және стадион болмаған. Аудандық ішкі саясат, мәдениет  тілдерді дамыту және  спорт бөлімінің мәліметінше, Жұмекен ауылында 827, Сафон ауылында 685 адам бұқаралық спортпен шұғылданады. 

Айта кетейік, қазір аудандағы Сүйіндік және Еңбекші ауылында да спорттық нысанның құрылысы жүріп жатыр.

«NEET санатындағы жастардың әлеуметтік және жеке дамуы» жобасы аясында ұйымдастырылған  Bazar Jastary League футбол турнирінің жеңімпаздары марапатталды, - деп хабарлайды Өңірлік коммуникациялар қызметі. 

Турнирге 240 адамнан құралған 16 команда қатысты.  

-    Соңғы ойындарға спортшылардың мықты дайындықпен келгені айқын көрінді. Турнир барысында әр команда спорттық рух пен бірлікті көрсетті. Ал ойындар түрлі тактикалық әдіспен қатар, әдемі голдармен есте қалды. Бұл турнир жастарды спортқа баулуға, салауатты өмір салтын ұстануға шақыруға бағытталған. Спорттық жарыс  өзіне-өзі қызмет ету саласында жүрген жастар мен әкімдік арасындағы байланысты нығайтуға септігін тигізді, - деді «Жаныңдамын» қоғамдық қорының басшысы Мейрамгүл Есниязова.

Нәтижесінде 1-ші орынды  «Фирдаус», 2 орынды «Захра» командасы иеленді. Ал үздік үштікті «Бәйтерек» тобы қорытындыланды.  Жеңімпаз командаларға ақшалай сертификаттар табысталды. 
Сонымен қатар Нұрсұлтан Мұқаналиев – «Үздік қақпашы», Мейіржан Өмірғалиев – «Үздік ойыншы», Нұрбек Маратұлы – «Үздік сұрмерген», Жарас Меллятов – «Үздік қорғаушы», Серікбол Исмагулов – «Үздік шабуылшы» атағына ие болды. 

Айта кетейік, турнир облыстық ішкі саясат басқармасының қолдауымен ұйымдастырылды.