- Информация о материале
- Автор: Дендер
- Категория: Спорт
- Read Time: 1 min
- 29
Өткен аптада Құлсары қаласындағы Орталық стадионда еліміздің Республика күні мерекесіне орай мемлекеттік қызметшілер арасында аудандық спартакиада болып өтті. Екі күнге созылған дүбірлі дода талас пен тартысқа толы болды. Жабылу салтанатына аудан әкімі аппаратының басшысы Алмат Теміржановтың өзі қатысып, спортшыларды марапаттады.
Бәсекелі додада аудандағы әр түрлі бөлімдерден барлығы бес команда қатысты. Олар футбол, волейбол, садақ ату, жеңіл атлетика, қол күресінен сынға түсті. Және әр спорт түрінен жеке-жеке ұпай жинап, жалпы бес сайыстың қорытындысы бойынша командалар жүлдеге таласты.
Спартакиаданың нәтижесінде аудандық полиция бөлімі үздік үштікті түйіндесе, аудандық төтенше жағдайлар бөлімі мен №2 мамандандырылған өрт сөндіру бөлімшесінің қызметкерлерінен жасақталған ұжым күміс алқамен күптелді. Ал, жалпы есепте шашасына шаң жұқпаған «Ұлттық қауіпсіздік комитеті» командасы алтыннан алқа тақты.
Барша спортшыларды марапаттаған аудан әкімі аппаратының басшысы Алмат Теміржанов:
-Мұндай спорттық шаралар денсаулықты нығайтып қана қоймай, ұжымдық рухты көтеруге де зор ықпал етеді. Барша сайысқа қатысушыларды келе жатқан Республика күні мерекесімен шын жүректен құттықтаймын. Және бұл сайысқа белсене қатысқан барша қызметкерлерге шын ризашылығымды білдіремін,-деді ол өз сөзінде.
Билік пен бұқараның арасына алтын көпір болып, ел үшін еселі еңбек етіп жүрген мемлекеттік қызметкерлердің қоғамға қосып жатқан үлесі зор. Олар халыққа қызмет көрсетіп қана қоймай, бос уақытында бұқаралық спортты да дамытып, тұрғындарды саламатты өмір салтын ұстанатындығын тағы бір мәрте көрсетті.
Ерназ Алтайұлы
- Информация о материале
- Автор: Дендер
- Категория: Спорт
- Read Time: 1 min
- 205
Жақында Шымкент қаласында өткен АУДАРЫСПАҚТАН жасөспірімдер арасындағы XII Қазақстан Республикасының чемпионатында 82 кг салмақ дәрежесінде жерлесіміз Ғарифолла Бекзат жүлделі I орынды иеленген болатын.
Осыған орай бүгін аудан әкімі Азамат Мәмбетов ауданның ғана емес, облыстың намысын қорғаған жас спортшыны қабылдады.
Аудан басшысы кездесу барысында құттықтау тілегін жеткізіп, спортшыларға қашанда қолдау көрсететіндігін атап өтті.
Сондай-ақ, жас спортшыға алдағы республикалық, халықаралық сайыстарда топ жаратындығына сенім білдіріп, арнайы алғыс пен естелік сыйлықтар табыстады.
Өз кезегінде аудан әкімдігіне ризашылығын білдірген Бекзат қазіргі таңда облыстық көкпар ойындарына тыңғылықты дайындалып жатқандығын айтып, жоспарларымен бөлісті.
Айта кетейік, Бекзат бүгінде аталған спорт түрінен Атырау облысынан шыққан тұңғыш жеңімпаз.
Ә.ҚАСЫМ
- Информация о материале
- Автор: Дендер
- Категория: Спорт
- Read Time: 1 min
- 265
Президентіміз елімізде туризмді дамыту қажеттігі жайлы жиі айтып келеді. Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында да осы мәселені назардан тыс қалдырмады.
«Еліміздің туристік әлеуетін дұрыс пайдалану қажет. Туризм жобаларын жүзеге асырғанда табиғатқа зиян келтірмей, экологияны сақтау барынша маңызды екенін ерекше атап өткім келеді», деді Президентіміз.
Сонымен қатар, Қазақстанда туризмнің барлық түрін дамытуға мол мүмкіндік барын, экологиялық туризмнен бастап бизнес туризміне дейін қолға алуға болатынын айтты. Ауданымызда да осы бағытта жұмыстар жасалып жатыр.
Ағымдағы жылдың қазан айының 3-4-і күндері Кудряшов ауылдық округіне қарасты «Петухов» тоғайында «Бүкіләлемдік туризм күні» мерекесіне орай, облыстық білім беру ұйымдарының арасында жарыс өтті. Оған Құрманғазы ауданы әкімінің орынбасары Амангелді Мұратов, аудандық білім бөлімінің басшысы Еділ Баяров, Кудряшов ауылдық округінің әкімі Бахтияр Вахитов, облыстық білім беру басқармасы, балаларға қосымша білім беру оқу-әдістемелік және ғылыми-практикалық орталығының мамандары Асылхан Какенов пен Қуаныш Шариполлаев қатысып, жарысқа қатысушыларды құттықтап, сәттілік тіледі. Спорттық-туризм бағытындағы жарыста Жылой, Махамбет, Индер, Исатай, Құрманғазы аудандары сайысқа түсті.
Екі күнге созылған жарыстың қорытындысымен «Туристік техника» бойынша І орын Құрманғазы, ІІ және ІІІ орындар Индер мен Жылыой аудандарына тиді. Ал, «Садақ атудан» индерліктер мергендігімен ерекшеленіп І орын алды. Қалған екі орын Құрманғазы мен Исатай аудандарының еншісінде. Тағы бір қызғылықты ойын «Картамен объектіні табуда» құрманғазылықтар алғырлығымен көш бастап, бірінші орыннан көрінді. Екінші, үшінші орындар жерлестерімізді өкшелеген Индер мен Махамбет ауданынан келген қатысушыларға бұйырды. «Арқан тартыста» исатайлықтар басым түссе, екінші орын Жылыой ауданына бұйырды. Құрманғазы, Махамбет, Индер ауданының командалары үшінші орынға тұрақтады. Жалпыкомандалық жүлделі бірінші орынды Құрманғазы, екінші орынды Индер, үшінші орынды Махамбет командалары жеңіп алды.
Туған жеріміздің сұлу табиғаты аясында қызықты да тартысты өткен жарыстың жеңімпаздары грамоталармен, дипломдармен марапатталды. Президентіміздің Жолдауын жергілікті жерде жүзеге асырып, туризмді насихаттау бағытында көңілді сайыс өткізіп жатқан ұйымдастырушылар мен оған қатысушылардың шеберлігіне тәнтіміз. «Қандай үлкен іс те кішкене нәрседен басталады», дегендей, осындай шаралар арқылы туризм дами түсері анық.
Айнагүл Шакупова
- Информация о материале
- Автор: Дендер
- Категория: Спорт
- Read Time: 1 min
- 122
Ақтөбе қаласында өткен республикалық турнирден атыраулық спортшылар жеңіспен оралды, - деп хабарлайды Өңірлік коммуникациялар қызметі.
Спорттық додаға ел бойынша 400-ден аса спортшы қатысқан. Олардың ішінде атыраулық команда топ бойынша 3-ші орын иемденіп, қоржынға 22 алтын, 16 күміс, 14 қола медаль салған.
Жеңімпаздарды ата-аналары мен жанкүйерлері сән-салтанатымен күтіп алды. -Тыңғылықты дайындықтың арқасында жақсы нәтижеге қол жеткіздік. Сонымен қатар, Абдрахман есімді шәкіртіміз ерекше әдісімен арнайы титуль иегері атанды, - деді жаттықтырушы Расул Асланбекұлы
- Информация о материале
- Автор: Дендер
- Категория: Спорт
- Read Time: 1 min
- 232
V Дүниежүзілік көшпенділер ойынында көрермендер асыға күткен көкпардан жеңімпаз анықталды. Финалдық бәсекеде бұған дейін қарсыластарына еш мүмкіндік бермеген Қазақстан мен Қырғызстан құрамалары жолықты.
Қазақстан финалға дейін Өзбекстанды 16:0, АҚШ-ты 12:4, Ресейді 18:2 есебімен жеңсе, қырғыздар Моңғолия (16:0) мен Түркияға (15:1) еш мүмкіндік бермеді.
Бұған дейінгі Қазақстан мен Қырғызстанның өзара ойындары:
2016 жыл. Дүниежүзілік көшпенділер ойындары. Финал
Қырғызстан-Қазақстан 15:3
2022 жыл. Дүниежүзілік көшпенділер ойындары. Финал
Қазақстан — Қырғызстан 4:3
2024 жыл. Дүниежүзілік көшпенділер ойындары. Финал
Қазақстан — Қырғызстан 5:4
Финалдық ойынға билеттер алдын-ала сатылып кетіп, трибунаға 30 мың жанкүйер жиналды. Бірінші таймның екінші минутында-ақ Ернар Жарылқасын жылдам есеп ашқанымен, қырғыздар 3 салыммен жауап берді.
Екінші таймда алаң иелері намысқа тырысып, Абылайхан Нышанбек 2 салым және құраманың көшбасшысы Құрманбек Тұрғамбек 1 салым салып, қайта алға шықты. Дегенмен ойынның бітуіне небәрі 30 секунд қалғанда қонақтар тараз басын теңестіріп, кездесу қосымша таймға ұласты.
Қосымша таймның 4-минутында Құрманбек Тұрғанбек Қазақстанға жеңіс әперді. Есеп: 5:4
Ұлттық құрамада салым салған ойыншылар:
Абылайхан Нышанбеков — 12
Құрманбек Тұрғамбек — 10
Ернар Жарылқасын — 8
Ернат Мәлімбай — 7
Арман Жамалбек — 5
Ұлан Байтөреев — 4
Бақытжан Әзімбай — 3
Әділет Мамыт — 3
Дәулет Айтан — 2
Құлажан Тоғайбаев — 2
Есжан Құрманбай — 1
- Информация о материале
- Автор: Дендер
- Категория: Спорт
- Read Time: 1 min
- 102
Алыш күресі бойынша сынға түскен атыраулық спортшы Нұржан Сәрсенғалиев бүгін қола медаль иеленді.
70 келі салмақта белдескен спортшы моңғол, жапон палуандарын айқын басымдықпен жеңді.
Айта кету керек, Нұржан Сәрсенғалиев бұған дейін алыш күресінен Қазақстан Республикасының чемпионы, Әлем кубогында қола жүлдегер атанған болатын.
Әлемнің 35 елінен
192 спортшы 12 салмақ дәрежесінде күш сынасуда.