Алматының Орталық қалалық клиникалық ауруханасына мойнынан төмен қарай қимыл мен сезімталдықтың толық бұзылуымен, ауыр жарақат алған пациент - Малайзия азаматы шұғыл түсті. Диагноз: тетраплегия. Қабылдау бөлмесінен ол дереу реанимацияға жіберілді, содан кейін шұғыл операция жасалды.

Оның себебі қайтымсыз салдарға әкелуіі мүмкін С3–С4 деңгейіндегі омыртқааралық жарықтың жарақаттан кейінгі пролапсы болды.

Марат Алматовтың жетекшілігімен нейрохирургиялық бригада күрделі операция жасады. 

Араласудан кейінгі алғашқы күні пациенттің сезімталдығы қалпына келе бастады, ал оныншы күні ол өздігінен жүре бастады.

Осындай жарақаттары бар пациенттердің 95%-ы өмір бойы төсек тартып қалады.

Бұл жағдай шынымен бақытты жағда болды және нейрохирургтардың, реаниматологтардың, анестезиологтардың және барлық медицина қызметкерлерінің жоғары біліктілігінің нәтижесі.

Алматыға сапар шегіп жүрген Малайзия азаматы Шымбұлақтағы тауларда демалып жүріп, басымен мұзға өте жайсыз құлады. 

«Құлағаннан кейін мен қолдарым мен аяқтарымды сезбедім, мүлдем сал болып қалдым. Мен тек әйелімді шақыруға ғана мұрсам келді. Жедел жәрдем шақырдық. Мен енді ешқашан тұрмайтын шығармын деп ойладым», - дейді зардап шеккен шетелдік. 

Оның айтуынша, ол операцияға дейін мүлдем қозғала алмаған. Бірақ операциядан кейінгі бірінші күннің соңында ол қолын қимылдатып, содан кейін қозғала бастаған. 

«Доктор Марат Алматовқа ерекше алғысымды білдіргім келеді - ол әрбір маман мұқият, позитивті және білікті керемет команда жинады. Бұл менің қалпына келуімнің басты негізінің бірі болды. Қазақстандық медицина көптеген басқа елдерден жоғары - бұл менің пікірім. Сіздердің қолдарыңыз алтын. Жаңадан өмір сүруге мүмкіндік бергендеріңіз үшін рахмет айтам», - деп білдірді Малайзия азаматы біздің дәрігерлерге осындай шынайы алғыс сөздерін. 

Сауығып кеткеннен кейін пациент Малайзияға оралды. Онда оны жергілікті мамандар зерттеп-қарап, жоғары бағалады.

Павлодар облысына қарасты Баянауыл ауылының 59 жастағы тұрғыны таңертең өзін нашар сезініп, қатты басы ауырып, құсу және есінен тану белгілері байқалған. Туыстары дереу жедел жәрдем шақырды. Шақыртылған жедел медициналық көмек бригадасы оның қан қысымының тым жоғары екенін анықтады. Пациент жағдайының ауырлығына байланысты ол санитариялық авиация арқылы шұғыл түрде Кардиоорталықтың қабылдау бөліміне жеткізілді.

Ауруханада мидың КТ жүргізіліп, субарахноидалді қан құйылғаны және мидың маңдай бөлігі аймағында үлкен аралық гематоманың пайда болғаны анықталды. Жедел түрде нейрохирургтің кеңесімен 3D реконструкциясы бар ангиография жасау туралы шешім қабылданды.

Зерттеу кезінде алдыңғы біріктіруші артерияда кең негізді, екі қосымша дивертикулы бар жарылған қапшық тәрізді аневризма анықталды. Аневризманың күмбезі ішкі медиалды бағытта орналасқан. Сонымен қатар, екі ішкі ұйқы артериясында иіліс (кинкинг) байқалды, алайда алдыңғы біріктіруші артерия қалыпты жұмыс істеп тұрды.

Өмірлік көрсетілімдері бойынша рентгенэндоваскулярлық операция жасалды – аневризма арнайы микрокатушкалармен (микроспиралдармен) толық эмболизацияланды. Операция сәтті өтті, аневризманың бүкіл қуысы сенімді түрде жабылды.

Пациенттің жағдайы ауыр күйде қалып, 9 күн бойы реанимация бөлімшесінде қарқынды ем алды. Жағдайы тұрақтанғаннан кейін ол әрі қарай ем қабылдау үшін неврология бөлімшесіне ауыстырылып, кейін денсаулығы жақсарған күйде үйіне шығарылды.

Осындай патологиялар кезінде өлім деңгейі, әсіресе аурудың жіті және ерте кезеңдерінде 50%-ға дейін жетеді. Алайда жедел жәрдем бригадасының уақтылы әрекеті, санитариялық авиациямен жедел жеткізу және Кардиоорталық мамандарының кәсіби жұмысы пациенттің өмірін сақтап қалуға мүмкіндік берді.

Пациентке көрсетілген барлық медициналық көмек әлеуметтік медициналық сақтандыру жүйесінің шеңберінде тегін көрсетілді.

Жылыой орталық аудандық ауруханасының автопаркі «Теңізшевройл» (ТШО) компаниясының бизнес-серіктесі демеушілік қолдауы аясында сатып алған жаңа жедел жәрдем көлігімен толықты.

Атырау облысындағы офтальмологиялық аурухананың балаларға арналған бөліміндегі аппараттық емдеу сеанстары өз нәтижесін көрсетіп келеді. Жыл басталғалы амблиокор, синаптофор, плеоптика, макулостимуляция және монобиноскоп құрылғылары арқылы 2538 сеанс жүргізілді,- деп хабарлайды Өңірлік каммуникациялар қызметі.

Одан бөлек, айта кету керек, 2025 жылдың алғашқы төрт айында шала туған нәрестелердің ретинопатиясына байланысты ешқандай жағдай тіркелмеген. Ал былтыр осындай диагнозы бар 29 баланың 14-не ота жасалған болатын.

- Қалай десек те көз ауруына немқұрайлы қарауға болмайды. Адамның жүрекке маңыз беретініндей, көзге де аса сақтықпен қараған жөн. Бұл ретте шағым жоқ болса да скринингтік тексерулерге барып, әр адам көзін дәрігерге қаратуы тиіс. Компьютермен ұзақ жұмыс жасайтындарға әр сағаттың 15 минутында көзді демалтқан жөн. Балаларға ұялы телефон, планшет ұстатып, ұзақ уақыт теледидар қаратуға болмайды,- дейді офтальмолог дәрігер Асылжан Жұбанов.

2025 жылдың алғашқы айларында 15 жасқа дейінгі балаларға көрсетілген аппараттық емдеу көрсеткіштері төмендегідей болды:

• Амблиокор – 368 сеанс;

• Синаптофор – 535 сеанс;

• Плеоптика – 570 сеанс;

• Макулостимуляция – 132 сеанс;

• Монобиноскоп – 187 сеанс.

Мемлекет басшысының денсаулық сақтау саласындағы міндетті әлеуметтік медициналық сақтандыру жүйесінің тиімділігін арттыру туралы тапсырмасы шеңберінде Медициналық көмекке ақы төлеудің бірыңғай жүйесін (МКАБЖ) енгізу басталды. 

Мемлекет басшысының көмекшісі Тамара Дүйсенованың төрағалығымен өткен кеңесте осы тапсырманы орындау мәселелері қаралды.

Saqtandyrý ақпараттық жүйесіне интеграцияланған жаңа цифрлық құрал ТМККК және МӘМС шеңберінде медициналық қызметтерді қаржыландырудың ашықтығын, сапасын бақылауды және автоматтандыруды қамтамасыз етеді.

Ағымдағы жылдың наурыз айында Бірыңғай төлем жүйесін пилоттық іске асыру Ақмола облысының медициналық ұйымдарында басталды. 1 шілдеден бастап жаңа жүйе еліміздің барлық медициналық ұйымдарында енгізілетін болады.

Жаңа цифрлық жүйе мыналарды қамтамасыз етуге мүмкіндік береді:

🔘көрсетілген медициналық көмектің дұрыстығын дербестендірілген есепке алу және түпкілікті бақылау негізінде медициналық қызметтер көрсетудің ашықтығы;

🔘қаражаттың негізсіз есептен шығарылуын болдырмау және медициналық қызметтердің сапасын бақылауды жақсарту.
🔘медициналық көмек көрсетудегі қателер мен бұзушылықтарды, соның ішінде «қосып жазулар» деп аталатындарды автоматты түрде анықтау.
🔘медициналық қызметтерге ақы төлеу тек нақты көрсетілген көмек үшін жүргізілетініне кепілдік беру.

Бұл жүйелер қаржы қаражатын тиімді пайдалануға, қосып жазуларды алып тастауға және сыбайлас жемқорлық қауіптерінің үлесін азайтуға бағытталғанын айта кеткен жөн.

⚡️Медициналық қызметтердің сапасын бақылаудың автоматтандырылған жүйесі медициналық ұйымдарды пациенттердің қажеттіліктеріне денсаулық сақтау жүйесін ынталандыратын болады.
Жаңа жүйенің тиімділігін Ақмола облысындағы пилоттың алдын ала қорытындылары растады.
Пилоттық режимде жүйе көрсетілген медициналық көмектің белгіленген стандарттарға сәйкес келмеуінің 11 мыңнан астам фактісін, оның ішінде тіркеу фактілерін анықтады.
Бұзушылықтарды қарау қорытындылары бойынша ұйымдастырушылық және қаржылық сипаттағы шаралар қабылданатын болады.

Атырау облысында ауылдық жерлерде фельдшерлік-акушерлік пункттер мен медпункттер іске қосылады, сондай-ақ облыстық балалар ауруханасында МРТ кабинеті ашылады, деп хабарлайды AtyrauPress тілшісі. 

Ұлттық «Ауылдық денсаулық сақтауды жаңғырту» жобасы аясында облыстың бірқатар елді мекенінде жаңа медициналық нысандар ашылуда. Бұл ауыл тұрғындарының сапалы әрі қолжетімді медициналық қызмет алуына мүмкіндік береді.

Жаңа фельдшерлік-акушерлік пункттер ашылатын ауылдар: Арна, Құрманғазы ауданындағы Дыңқызыл, Жамбыл, Көптоғай ауылдары.

Жаңа медициналық пункттер ашылатын елді мекендер: Жасқайрат, Құрманғазы ауданындағы Афанасьев, Азғыр, Қоңыртерек, Батырбек, Жалғызапан, Қызылқоға ауданындағы Жантерек, Жамансор ауылдары.

Маусым айында Атырау облыстық балалар ауруханасы базасында МРТ кабинеті ашылады. Сәуір айында рентгендік сүйек денситометрі пайдалануға беріледі. Бұл бастамалар медициналық қызмет сапасын арттыруға, халықтың заманауи диагностика мен ем алуы үшін қолайлы жағдай жасауға бағытталған.

Амандық АБДОЛ