«Kazakhstan Petrochemical Industries Inc.» полипропилен өндіру бойынша біріккен газ-химия кешенінде («KPI Inc.») электр жарығының сөнуіне байланысты өндіріс жартылай тоқтады, деп хабарлайды AtyrauPress тілшісі.

Бұл туралы кәсіпорынның баспасөз қызметі мәлім етті. 3 сәуір сағат 10:59-11:11 аралығында «KEGOC» АҚ желілерінде қысқаша  тұйықталу орын алды. Бұл “KPI Inc.” компаниясын жарықпен қамтамасыз ететін «KUS» ЖШС газтурбиналық электр станциясының апатты түрде тоқтауына себеп болды. Салдарынан технологиялық ақау салдарынан компрессорлар, технологиялық жабдықтар, пропан мен полипропиленді дегидрлеу өндірісі апатты түрде тоқтатылды.

"Автоматты режимде өндірістің қауіпсіз тоқтатылуын қамтамасыз ету үшін жоба бойынша барлық технологиялық операцияларды сақтай отырып, пропанды дегидрлеу қондырғысынан факелге шығарындылар жіберілді" дейді мамандар.

Айта кету керек, жағындының құрамы зиянсыз, ол газ плиталарында жанатын газға ұқсайды.

Амандық САҒЫНТАЙҰЛЫ