20 ақпанда сағат 23:30 шамасында Атырау-Индер тас жолының 19-шақырымында жол апаты болды: «Лада Приора» көлігі «Лада Ларгус» көлігімен соқтығысқан. Салдарынан екі көліктің жеті жолаушысы түрлі дене жарақатымен облыстық ауруханаға жеткізілді.

Полиция департаментінің баспасөз қызметінің хабарлауынша, тексеру барысында «Лада Приора» көлігінің 25 жастағы жүргізушісі мас болғаны және көлікті басқаруға құқығы жоқ екені анықталды.

Полиция тергеу жүргізіп жатыр. Айта кету керек, патрульдік полиция қызметкерлері соңғы екі демалыс күнінде бес мас жүргізушіні анықтады.

Айнұр САПАРОВА

ПД ұсынған сурет

azh.kz