Спорт ардагері, бокстан Бүкілодақтық және Қазақстан Республикасының «Буревестник» спорт қоғамының бірнеше дүркін жеңімпазы, Халықаралық дәрежедегі ІВА төрешісі Ермұқан Алтыбай Намазұлының құрметіне арналған бокстан 2010-2011, 2012-2013 жылғы жасөспірімдер арасындағы республикалық турнир өз мәресіне жетті.
Еліміздің 11 қаласынан жиналған 255 жас боксшылар 22 салмақ бойынша қатысып, 4 күнге созылған жарыстың көркін қыздырды.
Жеңімпаздарға арнайы диплом, медальдар мен кубок табысталды. Одан бөлек, турнирде "Үздік төреші", "Үздік боксшы", "Жеңіске деген жігерлігі үшін", "Үздік техника", «Турнирдің жас боксшысы» номинациялары бойынша мықтылар марапатталды.
Индер ауданы әкімдігінің баспасөз қызметі.
