Атырауда өткен облыстық іріктеу жарысқа 2004-2006 жылғы жасөспірімдер боз кілемде белдесіп, жолдаманы сарапқа салды.
Аудандық балалар спорт мектебінің еркін күрес бөлімінің аға бапкері Салауат Қыраубаев атап өткендей, облыстық жарыстың 10 салмақ дәрежесінің финалында 5 палуанымыз белдесті. Алайда белдесулерін жеңіспен бастаған оларға ақтық бәсекелерде ғана сәттілік жолдас болмапты.
Олардың арасынан 65 келіде Мұхамед-Дияр Өрбісінов алтыннан алқа тағып, Қазақстан чемпионатына жолдама иеленді.
Сондай-ақ аталған жарыс қорытындысымен индерлік палуандар 4 күміс пен 4 қола медальға ие болды.
САЛАМАТ Б.