Бүгін Индер аудандық ауруханасында шалғай ауылдардағы амбулаторияларға заманауи су жаңа бес көліктің кілті табысталды. Индер ауданына қарасты Бөдене, Жарсуат, Есбол, Көктоғай, Елтай ауылдарына берілді.

  -Атырау облысы денсаулық сақтау басқармасының қолдауымен 2023 жылға Индер ауданына бес жедел жәрдем көлігі бөлініп, шалғай жатырған ауылдар осы жаңа құрал жабдықтармен қамтылған жедел жәрдем көліктерімен қамтамасыз етілді. Барлық медицина қызметкерлері қолдау көрсеткен жандарға ризашылығымызды білдіреміз. Осы жедел жәрдем көліктері арқылы халыққа сапалы қызмет көрсетеміз деген ойдамыз,- деді Индер аудандық ауруханасының директоры Доспаева Анар Хамидоллаевна.

  Осыған дейін «УАЗ» автокөлігін тізгіндеген жедел жәрдем жүргізушілері енді «ГАЗель» автокөлігімен халыққа қызмет ететін болады.