Индербор кентінде орталық монша былтырдан бері тоқтап қалғаны белгілі. Әрі моншаның сыртқы келбетінің де күйі кетіп қалғаны көрініп тұр. Бұл өз кезегінде тұрғындар тарапынан орынды реніштері орын алып жүргені жасырын емес. Әзірге пандемияға байланысты карантин болғанымен, бұйырса алда бәрібір моншаға қажеттілік туындайды.
Осы орайда сауалымызды аудандық тұрғын үйкоммуналдық шаруашылығы, жолаушылар көлігі, автомобиль жолдары және тұрғын үй инспекциясының бөлімі басшысы Ақесен Ибрагимовқа қойғанбыз.
- Моншаны жөндеуге байланысты барлық техникалық құжаттары дайындалып, тендерге берілді. Жеңімпазы анықталғаннан кейін алдағы мамыр айында жөндеу жұмыстарын бастау жоспарлануда. Жөндеу кезінде моншаның барлық ішкі кафелдері ауыстырылып, ішкі әрлеу жұмыстарының бәрі заманға сай жаңғыртылады. Сонымен қатар моншаның алдына да абаттандыру жұмыстары қаралған, - деді бөлім басшысы.
САЛАМАТ Б.
