Мөлдір Сариева - Х. Досмұхамедов атындағы Атырау университетінің студенті. Университеттің инновациялық білім беру факультетінің 1-ші курсын аяқтап ауылға каникулға келген сәті.

Биыл 18 жасқа толып, дауыс беру мүмкіндігіне ие болыпты.

— Бұған дейінгі өтіп жүрген сайлау науқандарын сырттай талай естіп жүрдім. Сайлауда дауыс беру қиын процесс сияқты сезінетінмін. Әрі мен үшін қызық та көрінді. Бүгінгі референдумды асыға күттім. Сайлауға өзім үшін ерекше сезімде болдым. Куә болғанымдай дауыс берудің ешқандай мәселесі жоқ екен. Референдум учаскесінде қажетті барлық жағдай жасап қойыпты. Өз дауысымды беріп шықтым. Ал бастысы еліміздің жаңара, жақсара түскенін қалаймын. Алдағы уақытта да саяси науқаннан сырт қалмаймын деп ойлаймын, —дейді ең жас сайлаушы Мөлдір Бауыржанқызы.

С. САНСЫЗБАЙҰЛЫ