Кандидаттың сайлауалды бағдарламасының мақсаттары түсіндірілді

Облыстық қоғамдық штаб мүшелері ҚР Президенттігіне үміткер Қасым-Жомарт Тоқаевты қолдау мақсатында "Атырау жылу электр орталығы" АҚ ұжымымен кездесті. Сенімді өкілдер Балжан Досмұхамбетова, Бексұлтан Дүйсенғұл, Назерке Құсесова, Мақсұт Әбуов және Ғани Сағындықов Қасым-Жомарт Тоқаевтың сайлауалды бағдарламасының негізгі міндеттері туралы айтып, мекеме қызметкерлерінің пікірін тыңдады.

-Қасым-Жомарт Тоқаевтың сайлауалды бағдарламасында тариф белгілеу және инфрақұрылым нысандарын жаңғырту мәселелеріне көп көңіл бөлінген. Бұл оңай міндет емес, өйткені бүгінде бұл салада мәселе жоқ емес. Тарифтің өсуі экономикалық тұрғыдан негізделген болуы керек. Алынған қаражат инфрақұрылымның жай-күйін жақсартуға және осы сала қызметкерлерін әлеуметтік қолдауға бағытталуға тиіс. Халық өз қаражатының қайда жұмсалатынын нақты түсінуі керек,- деп атап өтті штаб мүшесі Балжан Досмұхамбетова.

-Халық үшін өзекті мәселелердің барлығы Қасым-Жомарт Тоқаевтың сайлауалды бағдарламасында көрініс тапты. Инфрақұрылымды, тұрғын-үй жағдайларын жақсарту, білім беру, медицина, әлеуметтік қолдау, азаматтарды құқықтық қорғау секілді мәселелердің бәрі қамтылған. Бұл бағыттағы жұмыс қазірдің өзінде жүргізіліп жатыр. Сондықтан бұл жолдан бас тартпау және басталған барлық істі жүзеге асыру маңызды. Мен сіздерді еліміздің жарқын болашағы үшін нақты таңдау жасауға шақырамын", - деді сенімді өкіл Мақсұт Әбуов.

Кездесу барысында коммуналдық кәсіпорын қызметкерлерінің жалақысы мен қызметкерлердің біліктілігін арттыру курстарын ұйымдастыру, балалардың спорт және шығармашылық үйірмелерге тегін баруы үшін жағдай жасау қажеттілігі туралы мәселелерді көтерді. Барлық айтылған ұсыныс Республикалық штабқа жеткізілетін болады.

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс) +77082922701 whatsapp

Электронды пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз