Индерлік жасөспірім боксшылар Атырауда өткен облыстық чемпионатта сайысқа түсіп келді.
46 келіде сынға түскен Рауан Таңат ақтық бәсекеде ғана қарсыласына жол беріп күміс жүлдені қанағат тұтты. Әлім Бисембаев, Бекзат Лұқпан, Аңсар Жұмабай, Қуаныш Тельманов қола жүлденің иегерлері атанды.
-Бұл карантиннен кейінгі көптен бері жарысқа шығып тұрғанымыз. Шәкірттеріміз үйден нұсқауымыз бойынша дайындалғанымен, спорт мектебіндегі жаттығудай болмайтыны белгілі. Дегенмен шәкірттеріміз мүмкіндігінше өнер көрсетіп, алтын болмағанымен басқа жүлделеріміз бар. Алда орын алған олқылықтардың орнын толтырып, шеберліктерін шыңдай береміз, - дейді боксшы бапкерлер Мейрамбек Тұрғалиев пен Алмат Матжановты сөзге тартқанымызда.
САЛАМАТ Б.
