Мемлекеттік деңгейдегі міндеттерді атқару қашанда үлкен жүректі азаматтықты, іскерлікті, жоғары жауапкершілікті талап ететін күрделі шаруа. Оны Қазақстан Жоғары Кеңесіне депутат болып жүргенімде талай сезіндім де, кейбір күрделі қиындықтарды шешуге үлесімді қосқан сәттерім болғаннан білемін.

Сондықтан да Елбасы Н.Ә.Назарбаевтың барша халқымызды біріктіретін Наурыз мерекесі қарсаңында халқына сөз арнап, сенімдеріне ризашылық білдіруін зор сезіммен қарсы алып отырмын.

Еліміздің дербес дамуы жолын әу баста дұрыс таңдап, елін бүкіл әлемге танытқан азаматтың еңбегіне халқы да риза болатыны анық. Оның үстіне Үндеуінде «Мен дұрыс жолда келе жатқанымызға сенімдімін. Егер біз күшті болсақ, бәрі де бізбен санасады» деген ой тастауы болашақ жастарды да ойлантуы әрі жаңа биіктерге жігерлендіруі деп түсінемін.

Жаңылсын ӨТЕПҚАЛИЕВА,

«Құрмет белгісі» орденді,

еңбек ардагері,

Бөдене ауылы.