Ауданда осындай атаумен Ұлттық домбыра күніне орай орталық саябақта мерекелік шара өтті.
Алдымен аудан тұрғындарын аудандық мәдениет және тілдерді дамыту бөлімінің басшысы Жеміс Тілепқалиева құттықтап, Р.Ғабдиев атындағы халықтық ұлт-аспаптар оркестрінің мүшелерін аудан әкімінің алғыс хатымен марапаттады.
Мерекелік шара аудан өнерпаздары концертімен жалғасын тапты.
Сондай-ақ, аудандық кітапхана «Домбыра – халық мұрасы» атты кітап көрмесін жасақтап, оқырман назарына ұсынды.
Жадыра НАРИМАНОВА
Суреттер автордікі