Жыл басынан бері аудандық жұмыспен қамту орталығына 1520 азамат хабарласып, олардың 1251-і жұмыспен қамтылған.Бір қуаныштысы олардың арасынан 543 адам тұрақты жұмыс орындарын тапты.

Атап айтқанда Есбол мен Бөденеде мәдениет үйлері салынып, іске қосылған соң 46 адам тұрақты еңбекке тұрған. Сондай-ақ ауданға келген инвестор «Ақтау-Битум» ЖШС-іне 15 адам қабылданған. Ал компаниялардың сұранысы негізінде 207 адам жұмыстарға шақырылған. Бұған бюджеттік мекемелер сұранысы бойынша жіберілген 275 адамды қосуға болады. Одан басқа әлеуметтік жұмыс орындары, «Жастар тәжірибесі», ақылы қоғамдық жұмыстарға тартылғандар, қосымша мамандық алғандар, жаңа бизнес-идеялармен шыққандар да күн санап көбейіп келеді.

Сөйтіп, ауданда бұл бағыттағы жоспар 90,1 пайызға орындалған.

С.БИСЕНОВ.