Атыраулық студенттер шетелдік кәсіпорын демеушілігімен елге оралды

Атыраулық студенттердің елге оралуына шетелдік кәсіпорын демеушілік жасады, деп хабарлайды ҚазАқпарат.

Кеше, 25 наурызда Атырау облысының әкімі Махамбет Досмұхамбетовтің тапсырмасымен Варшавадан Қарағанды арқылы 33 студент Атырауға оралды. Оларды халықаралық әуежайда туған-туыстары күтіп алды.

Бүгін, тағы 25 студент Атырау халықаралық әуежайына ұшып келеді. Олар Варшавадан Қарағандыға оралған сәтте коронавирус инфекциясына жедел тест тапсырған. Сол қалада екі күн карантинде болған. Тест нәтижесі олардың індетке шалдықпағанын көрсетті. «Басым көпшілігі – шетелде оқитын студенттер. Олардың біразы батыс өңірлерінен, яғни, Атыраудан - 27, Батыс Қазақстаннан - 19, Ақтөбеден - 7, Маңғыстау облысынан 6 студент бар. Бәрі де – инфекциядан аман.

Студенттерді Атырауға жеткізу үшін облыс әкімі Махамбет Досмұхамбетовтің тапсырмасымен «Теңізшевройл» ЖШС-нің басшыларымен жиын өткізіп, аталған компанияның әуе кемесін пайдалану жөнінде шешім қабылдадық» - деді Атырау облысы әкімінің орынбасары Ержан Әбілханов. Оның айтуынша, енді ТШО-ның тағы бір рейсі кеше Ақтөбе және Батыс Қазақстан облыстарының студенттерін Орал қаласына жеткізеді.

«Теңізшевройл» ЖШС бас директоры Имер Боннер біздің бастамамызды қолдады. Үстемеақы төлеу жөнінде ешқандай мәселе туындаған жоқ. Екі рейстің шығыны компания есебінен төленді. Барлық студент тегін ұшып келді»- деді Ержан Әбілханов.

Атырауға оралған студенттердің бірінің анасы Татьяна Мохначеваның қуанышында шек жоқ. Ол Польшадағы лицейде оқитын ұлын құшақтап, «Аман-есен оралуыңмен, құлыным!» деп көз жасын жасыра алмады. «Біз балаларымыздың аман-есен келгеніне өте қуаныштымыз. Олардың жағдайы жақсы. Көрсеткен көмектері үшін облыс әкімдігі мен ТШО компаниясына алғысымыз шексіз» - деді Татьяна Мохначева. 4

Барлық студент Атырау халықаралық әуежайында да жедел тест тапсырды. Дене қызуы өлшеніп, сауалнама толтырды. Олар енді 14 күн үй карантинінде болып, дәрігерлердің қадағалуына алынбақ. Бұл – еліміздің Денсаулық сақтау министрлігі қойған талап.

inform.kz 

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Бейнебаян

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




ZERO.kz

Яндекс.Метрика