Ауданымызда еркін күрес спорт түрімен ұлдар ғана емес, қос бұрымдыларымыз да шұғылданып, шеберліктерін талай додаларда көрсетіп жүр. Биылғы оқу жылы еркін күрес қыздарына сәтті аяқталды. Ауданымыздың палуан қыздары Қазақстан Республикасының спорт шеберіне үміткер нормативін орындады.
Жас спортшы қыздарымыз Лаура Дастанқызы, Ақтоты Хамидулли]на, Гүлайхан Сейфолла, Данагүл Алтайқызы, Малика Жолдасқалиева, Аңсағаным Сапар, Айдана Табылдиеваға Индер балалар-жасөспірімдер спорт мектебінің директоры Нұржан Бисенбаев пен Есбол балалар-жасөспірімдер спорт мектебінің директоры Нұрбол Есенов еркін күрестен «Қазақстан Республикасының спорт шеберлігіне үміткер» куәлігін табыс етті.
