19 наурызға бекітілген ҚР Парламенті Мәжілісінің және мәслихатының депуттарын сайлауы да мәресіне жетті.
Баршаңызға белгілі, мен - Саламат Идрисов, “AMANAT” партиясының Индер ауданынан Атырау облыстық мәслихаты депутаттығына кандидатурамды ұсынып, аудан және ауыл тұрғындарымен кездесіп, үгіттеу жұмыстарын жүргізген едім.
“Уақыт - көшкен керуен, сырғалап аққан бұлақ” демекші, әні-міні дегенше бір ай зулап өтіп, барша ел болып мемлекетіміздің дамуы жолында азаматтық таңдауымызды жасадық. Осы орайда, осы уақыт аралығында үгіт-насихат жұмыстарына белсене араласқан сенімді өкілдеріме және штаб мүшелеріне алғысымды білдіремін.
“Жұмыла көтерген жүк жеңіл” деп, өңіріміздің дамуына бей-жәй қарамаған қолдаушыларға, маған сенім артқан ауыл халқына ризашылығым шексіз.
Еліміз аман, әр шаңырақтың бақ-берекесі мен ырыс-ынтымағы арта берсін. Егеменді еліміздің болашағы жарқын, ертеңі еселі болсын! Мен үмітті ақтауға белсене кірісетін боламын.
Саламат Идрисов,
“AMANAT” партиясының Индер ауданынан Атырау облыстық мәслихаты депутаттығына кандидат