Қазақстан Республикасының «Қазақстан Республикасындағы Сайлау туралы» Заңына сәйкес Бөдене ауылдық округі әкімі лауазымына үш үміткер түсіп, олардың сайлауалды бағдарламалары алдын ала баспасөз арқылы жария етілген болатын.
Аумақтық сайлау комиссиясының белгілеуімен 2019 жылдың 30 сәуірінде Индер көп бейінді ауыл шаруашылығы колледжі ғимаратында өткен сайлауға жерлестерінің сенімін арқалаған аудандық мәслихаттың депутаттары жиналып, өз қалауларын дауыс беру арқылы танытты.
Дауыс беру оларға тиісті заң талаптары мен ережелерін аумақтық сайлау комиссиясының төрағасы Әділгерей Сәкенов жан-жақты таныстырған соң басталды.
Сайлау қорытындысында үміткер Жанболат Самиғоллаұлы Ғизатов 8 дауыс жинап, айқын басымдықпен Бөдене ауылы әкімі болып сайланды.
Өз тілшімізден
