Тәуелсіздіктің отыз жылдығына «30 игі іс» бастамасына үн қосқан аудандық ардагерлер кеңесі Еңбек Ері Маржан Енбаеваға арнап шығарылған «Маржан қыз» әнінің 70 жылдығына орай арнайы шара ұйымдастырды.

Шараны кеңес төрағасы Өтеп Нұриев ашып, оның жоғарыда аталған мақсатын әңгімеледі. Шараға қатысушылар хормен «Маржан қыз» әнін шырқады.

Аудандық ардагерлер кеңесінің төрағасы ауданнан шыққан 16 Еңбек Ерімен таныстырып, әрқайсысының ерекшеліктеріне тоқталды. Ауданда 11 Маржан есімді қыз-келіншектер барлығын да сөз етті.

Шара барысында сөз алған Ж. Өмірбаев, елтайлық Т. Темірболатов Еңбек Ері Маржан Енбаева туралы естеліктерге ерік берді. Ардагерлер кеңесі бөлмесінде Еңбек Еріне арналған арнайы көрме ашылып, көпшілікті сол көрмеге және арнайы шыққан кітапты оқуға шақырды.

Шара соңында экран арқылы қытайлық қазақ қызының «Маржан қыз» әнін ерекше мәнермен орындауы тыңдалды.

С. Халықов