«Алғашқы жұмыс орны» жобасы өткен жылы іске қосылған» деп хабарлайды Атырау облысының өңірлік коммуникациялар қызметі.
Жоба аясында қазіргі таңда 51 жас тәжірибе жинақтап жатыр.
Ерекше атап өтерлігі, жұмыс беруші аталмыш жобаға қатысушыны 24 айға тұрақты қызметпен қамтуға міндетті. Үміткердің бірінші жылының еңбекақысын жергілікті жұмыспен қамту орталығы субсидиялайды.
Үміткердің айлық еңбекақысы жиырма айлық есептік көрсеткіш болады. «Алғашқы жұмыс орны» жобасы жұмыс іздеп жүрген түлектерді еңбекпен қамтуға арналған. Басты талап – үміткер жиырма тоғыз жастан аспаған болуы керек. Жоба жастардың тәжірибе жинақтауына мүмкіндік береді.
Еске сала кетелік, 2021 жылдан бастап «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде «Алғашқы жұмыс орны» жобасы іске қосылды.
