Ш. Уәлиханов атындағы орта мектепте орналасқан ✓110 сайлау учаскесіне келген сайлаушылар наурыз көжеден ауыз тиіп, бауырсақтан дәм татуда. Қонақтарға жылышыраймен дәм ұсынып тұрған аталмыш мектептің қазақ тілі мен әдебиеті пәні мұғалімі Гауһар Сайманова.

— Индерге келінмен, негізі өзім Батыс Қазақстан облысының тумасымын. Орыс сыныптарына қазақ тілі мен әдебиетінен дәріс беремін. Орыс сыныптарында қазақтармен қатар басқа ұлттың өкілдері де бар. Орысша оқыса да бәрі дерлік қазақ тілін біледі, ынталары да жоғары. Қазақ тілін әлде де жақсы меңгере түсуіне үлес қосып келемін. Бүгінгі сайлауға келген тұрғындардың көңіл күйлері көтеріңкі. Бәрі де дәмнен ауыз тиіп ризашылығын білдіруде. Бүгінгі саяси науқан сәтімен өтіп, еліміз өркендей беруіне тілекшімін, —дейді ол.

С. Сансызбайұлы