Бүгінгі 126 сайлау учаскесінде сайлаушылар есебінде 601 адам тіркелген болса,  19.00-ге дейін 501-і дауыс беріп үлгерді.  Соның алтауы мүмкіндігі шектеулі жандар. Біз сайлау жәшігін ала барғанда ауыл тұрғыны, биыл 90 жасқа толатын Жұмагерей Жоңқарбаев ақсақал дауыс беру үшін асыға күтіп отырғанын жеткізді. 
- Мен сіздерді күтіп отырмын. Елімізде болған сайлаудың қайсы бірін де қалдырған емеспін.  Қазір жүру мүмкіндігім төмендеп,  учаскеге жете алмай отырмын.  Біздің даусымыз маңызды екенін білемін. Биыл сайлауға түсіп отырғандардың дені жастар екен.  Еліміз өркендей берсін.  Мен еліміздің ертеңіне сенемін,  -дейді ол.