Атырау облысы ПД бастығы қызмет бабында қаза болған полиция қызметкерлерінің отбасыларына барды

Қазақстан Республикасының Тәуелсіздік күні қарсаңында Атырау облысы Полиция департаментінің бастығы полиция полковнигі Қамза Үмбетқалиев және оның орынбасарлары Атырауда қызмет бабында қаза тапқан полиция қызметкерлерінің отбасыларын мерекемен құттықтады.

Қылмыскерлердің қолынан қаза тапқан Асқар Бисекеновтың, Зияда Смақовтың, 2019 жылы өз-өзіне қол жұмсап Жайық өзеніне секірген азаматшаны құтқару барысында қайтыс болған Шалхар Ақымғалиевтың отбасына, 2009 жылы автокөлік тоқтатқан талабын орындамай, қасақана қағып кеткен оқиға салдарынан қаза тапқан Нұрберген Өтемісовтің, 1974 жылы қарулы қылмыскер қолынан қаза тапқан Владимир Худин мен Кабдрахман Ерниязовтың, қызмет бабында қайтыс болған Есжан Даулетияров, Қабдол Құлтасовтың отбасыларына барды.

img-20201216-wa0128

img-20201216-wa0130

«Бейбіт күннің батырларына айналып, отандастарымыздың қауіпсіздігі үшін жанын қиған полицейлердің ерлігі әрқашан жадымызда қалады. Олардың ұлтжандылығын қанша ұлықтап, еске алғанымызбен ортамызға оралмасы хақ. Алайда, өскелең және келер ұрпақ үшін олардың жасаған батырлық ісін мирас етіп жеткізу бізге міндет», - деді полиция полковнигі Қамза Үмбетқалиев қаза тапқан полицейлердің отбасыларына.

img-20201216-wa0129

Қызметкерлердің туыстарымен әңгіме барысында Қ.Үмбетқалиев олардың өмірі туралы, балаларының тәрбиесі жайында сұрады. Мысалы, Шалхар Ақымғалиевтің жанұясында аға ізін жалғайтын мектеп жасындағы інісі өсіп келеді. Отан алдындағы борышын мүлтіксіз өтеген Асқар Бисекеновтей батыр ұлдың анасы Сара Махмудқызы Департамент бастығына өз ризашылығын жеткізіп, қоғамдағы тәртіп пен тыныштықты орнатушы полицейлер қызметіне жеміс тіледі.

img-20201216-wa0132

img-20201216-wa0133

Қазақстан Республикасының Тәуелсіздік күніне орай полицейлердің отбасыларына құттықтау хаттары мен гүлдер, естелік сыйлықтар табыс етілді.

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика