Индер аудандық мәслихатының шығып қалған депутатының орнына сайлау ойдағыдай өтіп, тұрғындар өз таңдауларын жасауда.
Соның бірі 90-дағы еңбек ардагері Меңдігерей Мүкиев көршілерімен бірге келіп, дауыс берді.
-Әр адам өзінің мемлекет алдындағы жауапкершілігін терең сезінуі керек. Бізде жасымыз ұлғайғанмен ел жаңалықтарын қалт жібермей тыңдап отырамыз. Бүгінде мәслихат депутатын сайлауға келіп, қалаған үміткеріме дауыс бердім,- дейді.
Сайлау комиссиясының төрағасы Гүлайым Жаңбырбаеваның айтуынша халықтың белсенділігі жоғары.
Сайлау барысын "Жолбарыс" қоғамдық бірлестігі мен "Jas niet" қоғамдық қор атынан байқаушылар қатысып қадағалауда.
Ж.Ісім
