Аудандық сотқа қараңғы уақытта тас жол бойына шығып, көлік құралымен соқтығыс жасаған сиыр үшін көліктің иесі келтірілген мүліктік залалды өндіру туралы талап арызбен жүгінген. Атырау-Индер тас жолы бойында орын алған оқиға салдарынан талапкердің көлігіне материалдық шығын келген.
Сондықтан көлік құралына келтірілген 5 млн. теңгені құрайтын мүліктік шығынды талап қоюшы жауапкерден өндіріп беруді сұрады. Аталған істі қарау барысында тараптар бір-біріне адамгершілік тұрғысынан түсіністікпен қарап, татуласып, өзара келісімге келіп, талаптың мөлшерін азайту арқылы сотпен медиациялық келісім жасалды. Қандай санаттағы іс болмасын, соттың міндеті – таразыны тең ұстап, тараптарды татуластырып, бір мәмілеге келтіру. Ал, ол – сот жұмысының жемісі болып табылады.
А.ҚҰРМАНБАЕВА,
аудандық соттың бас маманы -
сот отырысының хатшысы