Индербор кентіндегі Мағжан Жұмабаев көшесіндегі (№4 участка) жеке тұрғынның пішен қорасы өртеніп кетті.

Аудандық №5 өрт сөндіру бөлімінің өрт сөндірушісі Асылхан Жұбанышқалидың айтуынша, суық хабар кезекші бөлімге 11 шілдеден 12-сіне қараған түні сағат 00:35 түскен. Дабыл бойынша оқиға орнынан үш минутта жеткен аудандық №5 өрт сөндіру бөлімінің қызметкерлері қызыл жалынды 00:54-оқшаулапты. Жалпы тілсіз жаумен күресуге 4 қызметкер және 2 өрт сөндіру автокөлігі және жеке тұрғындар да жұмылдырылған.

Ал зардап шеккен 7/6 үйдің тұрғыны Ж.Елеубаеваның айтуынша пішен қорасының өртеніп жатқанын көршілерінен естіп, содан өрт сөндірушілерді шақыртыпты.

Айталық, өрттенген жерде тұрғынның күнделікті бұзауларына алып қойған шөбі болыпты.

«Дендер»-Ақпарат