Аудан елді мекендерін көріктендіру мен санитарлық жай-күйін байқау туралы Индер ауданы әкімінің қаулысы шықты. Соған сәйкес алдымыздағы 16 наурыз бен 16 мамыр аралығында жазғы-қысқы маусымға дайындық пен жұқпалы аурулардың алдын алу мақсатында көктемгі тазалықтың екі айлығы жарияланды.
Қаулыда көзделгеніндей, ол жұмыстарды үйлестіретін арнайы штаб құрылып, әр елді мекен бойынша іс-шаралар жоспары бекітіліп отыр. Айлық аясында стихиялық сауда орындары мен автокөлік тұрақтарына тыйым салынып, қоқыс алаңшаларын талапқа сай ету жұмыстары жүргізілмек. С
ол секілді, көп қабатты үйлердің жертөлелерін судан тазарту, инженерлік желілердегі ақауларды жою, көшелерді реттеп, бұралқы ит-мысықтарды жою, көшеттер егіп, ауыл-аймақты жасыл-желекке орау сынды біраз тапсырмалар жүктеліп отыр.
«Ауыл көркі-өз көркің» демекші, ортақ міндетке халықтың да бірауыздан қолдау танытқаны керек-ақ.
"Дендер"-Ақпарат
