Садақ тартып, саңлаққа айнал

 Ежелден ішкі-сыртқы жауымен арпалысып, жалпақ даласын ашкөздерден қорғау жолында түрлі қорғаныс қаруын жіті меңгерген қазақ халқы үшін садақ тарту не тәйірі, таңсық болып па?! Десек те осы бейбіт шақта да аса пайдалы жастарды мергендікке баулитын спорттың осы бір түрін, әсіресе, ауылдық жерде дамыту өте сирек іске айналғалы қашан.

Жақында Индер балалар-жасөсіпірімдер спорт мектебінің директоры Мәлік Биғамбаев бір кездескенде биылы спорттың олимпиадалық түрі садақ ату мен пистолеттен шәкірт тәрбиелеу бағытында ауданға құрал-жабдықтарда алынбақшы болып жатқанын айтқанында ерекше құптадық. Оның үстіне жаттықтыратын маманы да бар болып шықты.

Жасыратыны жоқ, ауыл баласына өте қолайлы әрі садақ атудан Тәуелсіздік 28 жылдығында Қазақстан олимпиадалық ойындарда жеңіске жетпек түгілі ақырға сайыстарға да жете алмай жүргеніне налушы едік. Енді осы іске шәкірттерді кішкене кезінен дайындау қолға алынса, бұл бағытта жетістікке жетуге әбден-ақ болатыны ақиқат. Тек ынта-жігер болсын дейік.

Ал мергендік ежелден қазақтың сүйегіне сіңген қасиет екенін айтып жатудың өзі артық. Ендеше садақ тартып, саңлаққа айналыңдар, балалар.

С.ХАЛЫҚОВ.

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика