«Атырау-Астрахань» жолы 2022 жылы пайдалануға берілмек

 2022 жылы пайдалануға берілетін «Атырау-Астрахань» жолының құрылысының сапасы берік, қарқыны жақсы.

Бұл туралы бүгін Орталық коммуникациялар қызметінде өткен брифингте Атырау облысының әкімі Нұрлан Ноғаев айтты. «Ресей Федерациясы шекарасы - Атырау» жолын қалпына келтіруге бағытталған жұмыстар жоспарға сай жүзеге асып жатыр. Жалпы ұзындығы 277 шақырым болатын жолдың бүгінгі таңда, 60 шақырым бөлігіне жөндеу жұмыстары басталды. Жобалық-сметалық құжаттамаға сай құрылыс жұмыстары 2021 жылы аяқталуы тиіс. Бірақ, құрылыс қарқыны жақсы болғандықтан, құрылысшылар ерте бітіруі де мүмкін, - деді аймақ басшысы. «Нұрлы жол» бағдарламасы аясында жүзеге асырылып жатқан екі бағыттағы жолдың бірі. Толықтай пайдалануға 2022 жылы беріледі деп жоспарланып отыр.

Екінші бағыт – Атырау-Ақтөбе жолы, оның 27 шақырымы төселді, 88 шақырымы салынып жатыр, қалған 40 шақырымында дайындық жұмыстары жүруде. Сонымен қатар, аймақта көлік инфрақұрылымын дамыту бойынша жол-құрылыс жұмыстары жүзеге асуда. Жалпы ұзындығы - 165 км болатын 216 көше, 32 елді мекенде жол салу жоспарланған. Облыс орталығында 4 басты көше кеңейтіледі, кеңейту жобасы: жол төсемін көбейту, жаңа LED жарықтандыру орнату, жаяу жүргіншілер жолын, вело-жол салу жұмыстарын қамтиды. Келер жылы облыс орталығында 7 көшені кеңейту жоспарланған.

45 км жаңа жол салынады. Бүгінде Атырауда және қала маңындағы елді мекендердегі сапалы жол үлесі – 85 %.

Соңғы жаңалықтар

COVID 19

covid

Фотогалерея

Күнтізбе

Бейнебаян

Aqprint

Байланыс номерi :     +7 701 666 27 49     +7(7122) 45-85-21