Атырау облысында Covid-19 инфекциясының тағы 142 жағдайы тіркелді. Ол жөнінде Жедел штаб хабарлама жасады.
Штаб ақпаратына сәйкес, індет жұқтырғандардың барлығы - Теңіз кенішіндегі мердігер мекемелердің қызметкерлері. Олар кен орнынан тұрғылықты жеріне жету дайындығынан өткен жұмысшылар қатарында.
Қазіргі уақытта бекітілген алгоритмге сәйкес, олар инфекциондық стационарға жатқызылды.
Осылайша, Атырау облысында COVID-19 індетін жұқтырғандар саны 769 адамға жетті. Оның ішінде 689 адам - Теңіз кен орнындағы жұмысшылар. Қауіпті індеттен жазылып шыққандар саны – 174.
