Индер аудандық орталық кітапханасында 5 қыркүйек – Қазақстан халқы тілдері күніне орай «Ұшқыр ой мен шешен тіл» атты тақырыпта зияткерлік ойын өткізілді.
Шараның мақсаты - тілдік мәдениет пен жалпы адами рухани құндылықтарға негізделген қоғамдық келісім мен ұлтаралық татулықты, қазақстандық бірегейлікті, өзара түсіністікті нығайту, дамыту, қазақ тілінің мәртебесін биіктету. Ауданымыздың рухани ордасы-орталық кітапханамен танысып, ой сергітіп қайту.
Тіл бәйгесіне ауданымыздың экономикасын көтеруде айтулы үлес қосып жүрген ірі кәсіпорындар - «ИСИ Гипс Индер» ЖШС, «INDERTUZ COMPANI» ЖШС, «Индер Гипс» ЖШС, «Индер желілік-өндірістік кәсіпорыны» басқармасы мамандарынан құралған 4 команда қатысты.
Аудандық кітапхана басшысы Д.М.Аренова барша шараға қатысушыларды айтулы мерекемен құттықтап, сәттілік тіледі.
Сайысқа қатынасушыларға зейнеткер- ұстаздардар Қажымұратова Жамал, Мұқанғазина Ғалия және «Индер аудандық орталықтандырылған кітапханалар жүйесі» ММ басшысы Д.М.Аренова қазылық етті.
Зияткерлік ойын «Сергіту», «Салт - дәстүр», «Сөз-мағына», «Мақал-мәтел», «Өлеңнің жалғасын тап» атты 5 кезеңнен тұрды.
Әділ қазылардың шешімімен ең үздік, ең ұтқыр топ анықталып, байқау қорытындысы бойынша дипломдар мен естелік сыйлықтар табысталды. Атап айтсақ:
«Индер Гипс» ЖШС құралған «Дода» командасы 1-орын.
«ИСИ Гипс Индер» ЖШС құралған «Кнауф Гипс» командасы – ІІ орын.
«Индер желілік-өндірістік кәсіпорыны» басқармасынан құралған «GasLine» командасымен
«INDERTUZ COMPANI» ЖШС құралған «Индертұз» командалары ІІІ орынды иеленді.
Шараны жүргізуші, аудандық кітапхананың кітапханашысы А.Зекенова оқу залындағы тақырыптық көрмелермен таныстырып, «Тіл-ұлттық белгі, халықтық мұра» атты кітап көрмесіне библиографиялық шолу жасады.
Осылайша Тіл мерекесіне арналған шара өз мәресіне жетіп, барша қатысушылар зор ризашылықпен, қимастықпен қоштасты.
Аудандық кітапхана
