Коворкинг орталығы ашылды

Барған сайын біртұтас жаһандық экономиканың бір бөлшегіне айнала бастаған елімізде іске асырылып жатқанцифрландыру жұмыстары кітапхана жүйесін де кеңінен қамту үстінде.

Оқырман мен кітап арасындағы алтын көпір болып келе жатқан кітапхана жүйесінің бұл үрдістен сырт қалуы тіпті мүмкін емес. Өйткені, кітапхана ең алдымен адам санасын байытып, білімін үнемі толықтырып отыратын жаңашыл буынның бірі.

Ал оның жаңа заман талабынына сай жоғары жылдамдықты интернет желісі, wai-фай, проектор, экран, компьютер, тағы басқа озық технологияларға қол жеткізуі өте заңды құбылыс. Сондықтан да аудандық кітапханада жақында салтанатты жағдайда коворкинг орталығы ашылды.

Бірлесе жұмыс істеу деген ұғымды ұқтыратын орталықтың алқызыл лентасын «Нұр Отан» партиясы аудандық ұйымы төрағасының бірінші орынбасары Өтепберген Оразғалиев пен аудандық мәдениет және тілдерді дамыту бөлімінің басшысы Жеміс Тілепқалиева қиып, жұмысына сәттілік тіледі. Онан соң коворкинг орталығы жұмысының ерекшеліктерін айқындай түсетін көрсетілім экран арқылы көрсетіліп, кітапханашылар ойларымен бөлісті.

- Бұл орталық оқырмандарымыздың өз білім мен танымын кеңейтіп, кітап оқумен ғана емес, өздерінің жеке шығармашылықтарын да дамытуына болады. Кез келген адам өзінің сүйікті ісімен айналысып, арнайы тақырыптарда дөңгелек үстелдер ұйымдастыруға, шахмат, дойбы ойнауға, гүл өсіруге, қолөнер бұйымдарын жасауға, қысқасы бос уақытын тиімді өткізуіне жағдай жасайды,-деді кітапханашылар.

Сөйтіп, бүкіл Қазақстан кітапханаларын қамтыған жаңалықтың бір ұшы Индербор кентіндегі тәрбие мен білім орынында жалғасын тапты. Оның жұмысына тек сәттіліктер тілейміз.

С.БИСЕНОВ.

 

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Бейнебаян

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




ZERO.kz

Яндекс.Метрика