Аудан орталығы Индербор кентінде «Нұрлы жер» бағдарламасы бойынша 80 пәтерлік жаңа үйдің пайдалануға берілгеніне жарты жыл болмай жатып, тұрғындар жылуға қатысты шағымданып жатыр. Ал жақында үйдің шатырынан сел болып су аққан.
- Бесінші қабатта тұрамыз, жұмыстан келсем, мына сорақы жағдайға тап болып отырмын: төбеден сел болып аққан су подьезді алып кеткен. Сылақтар түсіп жатыр, - дейді тұрғындардың бірі.
Ал аудандық әкімшіліктің баспасөз қызметі салқын су құбыры жарылып, апат болғанын, мердігер - «СМК-4» мекемесіне хабарланғанын, кепілдік мерзімі бойынша жөндеу жүргізуі керектігін жеткізді.
Ләззат ҚАРАЖАНОВА
azh.kz
