Ғылым - жетістік кепілі

Индер ауданының әлеуметтік-экономикалық дамуы бірнеше маңызды бағыттарда көрініс тауып келеді. Әсіресе геологиялық зерттеулерді әлі де жетілдіретін   табиғи ресурстарға бай. Соның ішінде борат кенін өндіру кеңес өкіметі тұсында қарқынды дамыды. Осы саланың геологы марқұм академик  Хасан Қамашевтың жетекшілігімен Сәтімола кен орнында бораттың ірі қоры анықталып, бұл саладағы зерттеулерге серпін берді. Бүгінде бұл өндіріс ошағы біртіндеп дамып келе жатыр. Сонымен қатар өңірдегі өндіріс орындары құрғақ құрылыс қоспаларымен қатар ас тұзын өндіріп, экономикаға серпін беруде. Бұл жұмысшы мамандық иелері  үшін де пайдалы. Әрине мұның бәрі  Президентіміздің геология саласын ғылыми тұрғыда зерттеп, дамыту тапсырмасы аясында қолға алынып жатыр. 
С.Жұқиев,
еңбек ардагері