Мемлекет басшысы 2023 жылғы 29 маусымда «Жол жүрісін ұйымдастыру мәселелері бойынша кейбір заңнамалық актілерге өзгерістер мен толықтырулар енгізу туралы» заңға қол қойылды.

Заң ресми түрде 2023 жылғы 30 маусымдағы «Егемен Қазақстан» баспа басылымында жарияланды және ағымдағы жылдың 30 тамызнан бастап қолданысқа енгізіледі.

Заңмен «Жол жүрісі туралы» Заңға шағын электро көлік құралдары мен электросамокаттарды пайдалануды регламенттеу бөлігінде заңнамалық түзетулер енгізіледі.

Шағын электро көлік құралы – электро қозғалтқышы бар электроамокаттар мен мопедтерді қоспағанда электро қозғалтқышпен жарақталған, жеке жүріп-тұруға арналған, бір немесе бірнеше дөңгелегі бар көлік құралы (гироскутерлер, сигвейлер, монодөңгеліктер, электр скейтбордтар және т. б.);

электросамокат - екі немесе үш дөңгелегі бар, электроқозғалтқышты (электро қозғалтқыштарды) пайдалану арқылы бір адамның жүріп-тұруына арналған, орындығы жоқ, ең жоғары конструктивтік жылдамдығы 25 км/сағ аспайтын жеке мобильді көлік құралы.

Электросамокаттардың, шағын электро көлік құралдарының жүргізушілерінің құқықтары мен міндеттері айқындалады.

Электросамокаттардың жүргізушілеріне ескерту!

1) ең болмағанда бір қолымен рульден ұстамай жүруге;

2) жолаушыларды тасымалдауға арналған арнаулы бейімдемелері бар велосипедтермен және мопедтермен тасымалдаудан басқа, жолаушыларды тасымалдауға;

3) тасымалдауға арналған арнайы бейімдемелері бар велосипедтермен және мопедтермен жүкті, сондай-ақ габаритінен ұзындығы немесе ені елу сантиметрден артық шығып тұрмайтын жүкті тасымалдаудан басқа, жүкті немесе жүргізуге кедергі келтіретін жүкті тасымалдауға;

4) трамвай жүретін жолдарда осы бағытта жүруге арналған біреуден астам жолағы бар жолдарда солға бұрылуға немесе кері бұрылуға;

5) мопедпен және велосипедпен пайдалануға арналған тіркемені сүйретуден басқа, мопедтерді, электр самокаттарды және велосипедтерді, сондай-ақ мопедтермен, электрлік самокаттармен және велосипедтермен сүйретуге;

6) көлік құралынан түспей, жаяу жүргіншілер өткелімен жолдың жүру бөлігін кесіп өтуге;

7) жол жүрісі қағидаларында айқындалған талаптарға сәйкес келетін, басқа көлік құралын жүргізушілерге көрінуді қамтамасыз ететін жарық шағылыстыратын затсыз жолдың жүру бөлігінде тәуліктің қараңғы уақытында жүріп тұруға;

жолдың жүру бөлігінде жүргізген кезінде түймеленген шлемсіз болуға тыйым салынады.

Сонымен қатар, электросамокаттардың жүргізушілеріне велосипед жолымен, велосипед жүретін жолақпен жүруге рұқсат етіледі.

Велосипед жолы, велосипед жүретін жолақ болмаған кезде электрсамокаттардың жүргізушілеріне:

-жолдың жүріс бөлігінің оң жақ шетімен, оның ішінде маршруттық көлік құралдарына арналған жолақпен бір қатарда жүру. Бұл ретте, 18 жасқа толмаған электросамокат жүргізушілерге өзімен бірге жүргізушінің жеке басын куәландыратын құжаты болған жағдайда, Қазақстан Республикасында берілгендерін қоспағанда, кез келген санаттағы көлік құралын жүргізу құқығына арналған жүргізуші куәлігінсіз не көлік құралын жүргізу құқығына арналған жүргізуші куәлігінің орнына берілген уақытша куәліксіз жолдың жүру бөлігінің оң жақ шетімен, оның ішінде қоғамдық көлік құралдарына арналған жолақпен жүруге рұқсат берілмейді;

жол жиегімен;

-жаяу жүргіншілер жүрісіне қауіп төндірмей, сағатына 6 км аспайтын жылдамдықпен тротуармен немесе жаяу жүргіншілер жолымен жүруге рұқсат етіледі.

Шағын электро көлік құралдарының жүргізушілеріне:

1) рульсіз шағын электр көлігі құралдарын қоспағанда, ең болмағанда бір қолымен рульден ұстамай жүруге;

2) жолаушыларды тасымалдауға;

3) жүкті тасымалдау;

4) жолдың жүріс бөлігімен жүруге;

5) жақында велосипед жолы, велосипед жүретін жолақ болған кезде тротуармен немесе жаяу жүргіншілер жолымен жүруге;

6) шағын электро көлік құралдарын, шағын электр көлік құралдарынмен сүйретуге;

7) шағын электро көлік құралынан түспей, жаяу жүргіншілер өткелімен жолдың жүру бөлігін кесіп өтуге тыйым салынады.

Шағын электро көлік құралдары мен электросамокаттардың жүргізушілері жолаушылар мен жүктерді тасымалдау ережелерін бұзған жағдайда (мысалы, жолаушыларды тасымалдау кезінде) олар ӘҚБтК 593-бабы бойынша әкімшілік жауапкершілікке тартылады.

«Жол жүрісі туралы» заңда белгіленген өзге де талаптар орындалмаған жағдайда, құқық бұзған азаматқа ӘҚБтК-нің 620-бабы бойынша әкімшілік жауапкершілік көзделгенін ескертеміз.