Рахым Ошақбаев бастаған "Ел үшін егілемін" штабы мүшелері атыраулық қоғам белсенділерімен кездесті.

Кездесуде атыраулық белсенділер ауысымда жүріп коронавирус жұқтырып алған жұмысшыларға толық жалақы төлеуге қатысты және ұсыныстар білдірді.

«Өкінішке орай, Атырау аутсайдер аймақтардың қатарында. Сондықтан, екпенің пайдасын қарапайым тұрғындарға, әсіресе, еңбек ұжымдарына ұғынықты түрде жеткізу керек. Қазір халық ресми ақпараттарға көп сене бермейді.Есесіне, жалған ақпараттарға алданып жатады. Осының алдын алу үшін статистикалық мәліметтерді әлеуметтік желіде көбірек таратуымыз керек» деді «Petrocouncil» үкіметтік емес қоғамдық ұйым төрағасы Асылбек Жәкиев.