Индербор кентіндегі № 110 референдум учаскесінде ең алғаш болып "Барлаушы" мөлтек ауданы тұрғыны Жарылғап Габдуллин дауыс берді.

Ол "Индер су" мекемесінде еңбек етеді екен. Жұмысқа бара жатқан жолда дауыс беріп шығуды ұйғарыпты.

—Болашақтан мол үміт күтемін. Еліміздің тәуелсіздігі нығайып, халқымыздың жағдайы жақсара бергенін тілеймін.Сондықтан да бүгінгі реферундумға бей-жай қарай алмай, дауыс беріп, азаматтық борышымды орындауға келдім,-деді ол.