Атырау облысы Полиция департаменің нұсқауына сай, жасөспірімдердің күзгі демалыс кезінде қауіпсіздігін арттыру бағытында кәмелетке толмағандармен оларға қатысты жасалатын құқық бұзушылықтардың алдын алу, жолын кесу мақсатында ағымдағы жылдың 28 қазан 2 қараша аралығында аудан көлемінде “Каникул” жедел-профилактикалық іс-шарасы өткізілуде.
Іс-шара басталғалы түн кезген, яғни сағат 23:00 ден кейін заңды өкілінсіз тұрғын жайдан тыс жүрген 29 жасөспірім анықталып, ата-анасына ҚР ӘҚБтК-нің 442 бабының 2және 3 бөліктерімен әкімшілік хаттама жасақталды. Сонымен қатар 1 электросамокат тізгіндеген жасөспірім және алкогольдік ішімдік ішкен 1 жасөспірім анықталып, ата-аналары әкімшілік жауапкершілікке тартылды.
Сондай-ақ,Қонаев көшесі бойында орналасқан жақында ғана қолдануға берілген ойын алаңын бүлдірген жасөспірімдер анық алып ата-анасына ҚР ӘҚБтК-нің 435 бабымен әкімшілік хаттама жасақталып, айыппұл салынды.
Ғ.Жұмағалиев,
Индер АПБ ЖПҚб-нің бастығы полиция майоры
