«Теңіз» кенішінде карантиндік шектеу 12 маусымға дейін ұзартылды. Ондағы ахуал әлі де күрделі. Бір тәулікте 19 адамнан вирус анықталды, деп хабарлайды «Хабар 24».

Індет жұқтырғандардың жалпы саны 961-ге жетті. Қазір кен алаңына кіріп-шығуға тыйым салынған. Тек түнгі уақытта жұмыс істейтін мамандар мен медицина қызметкерлерінің ғана қозғалуына рұқсат берілді.

Алмагүл Көшкінбаева, тауарлар және көрсетілетін қызметтердің сапасы мен қауіпсіздігін бақылау департаментінің бас маманы:

– «Теңіз» кенішіне кіріп-шығу шектеледі. Тек аса қажетті мамандар мен азық-түлік, медициналық препараттармен қамтамасыз етуші ұйым өкілдері ғана өткізіледі. Сонымен қатар вахталық мерзімі аяқталған жұмысшылар тұрғылықты мекен жайларына қайтуына рұқсат етіледі.

24.kz