Пандемияның алғашқы толқыны соққан кезде ауданымыздың азаматтары, қоғам белсенділері, еріктілері індеттің таралуын тоқтатуға, оны жұқтырғандарды емдеуге қажетті деген құралды алуға жұдырықтай жұмыла білді.

Тіпті сақтық шараларын сақтауға шақырып, карантин ережелерінің сақталуына қоғамдық бақылау жасады. Олардың осы еңбектері еленіп, Президент Қасым Жомарт Тоқаевтың Жарлығымен «Төтенше жағдай кезінде міндеттерін адал орындағаны үшін» естелік белгілерімен марапатталды.

Нақтырақ айтқанда, запастағы ефрейтор Шыңғыс Айдаров, Макешов Оралбай, Едіге Зинешов, запастағы қатардағы жауынгер Нұрбек Ерғалиев, Нұртас Сариев, Болат Габдуғалиев, Ербұлан Самиғолла төтенше жағдайдың алдын алу кезінде облыстық жиынға қатысып, міндеттерін адал атқарғаны үшін осы марапатқа лайықты деп танылды.

Пандемияның алғашқы кезінде олар облыс орталығындағы бекеттерде қызмет етіп, енді бірі дезинфекциялау шараларына атсалысқан. Марапат сол еңбектеріне берілді.

Аталған марапатты аудандық қорғаныс істері жөніндегі бөлім басшысы Е.Қабақов өз қолымен табыстады.

Д.ҚАБИ