Жуырда Есбол ауылдық округінде тиісті мекемелердің күш-құралдарын қатыстыра отырып, дала-орман өрттерінің алдын алу мақсатында оқу-жаттығу өткізілді.
Оқу-жаттығуға Есбол ауылдық округі әкімі аппаратына қарасты ерікті өрт сөндіру жасақшылары МТЗ-80 тракторы плугімен, 1 су тасығыш автокөлік, 1 өрт сөндіру автокөлігі қатыстырылды.
Сонымен қатар, орман және жануарлар дүниесін қорғау мекемесінің өрт сөндіру жасағы 1 су тасығыш автокөлік, 1 УАЗ автокөлігін, №5 ӨСБ-нің мобильдік тобы 1 өрт сөндіру автокөлігін осы жерге жұмылдырса, аудандық полиция бөлімі, аудандық аурухана, «Қазақтелеком» -АҚ Индер филиалы қызметкерлері күш-құралдарымен қатысты.
Өрт сөндіру кезіндегі күштер мен құралдардың дайындығын пысықтаған оқу-жаттығу соңында аудан әкімінің орынбасары А.Мусағалиев жаттығуға қатысқан барлық мекеме қызметкерлеріне ризашылығын білдіріп, айтпай келетін апатқа әр кез сақадай-сай дайындықпен жүруге шақырды.
Б.МАСАТОВ,
аудан әкімі аппаратының мемлекеттік құқық,
төтенше жағдайлар және мемлекеттік қызмет
көрсету сапасын бақылау бөлімінің маманы
