Көктоғайлықтар да мәдениет үйі алаңында Ұлыстың Ұлы күні Наурыз мерекесіне орай "Берекелі Әз Наурыз" атты мерекелік шара болып өткізді.
Шара "Әсем-ай" бишілер тобының "Шашу" биімен бастау алып, Қыдыр атаның ақ батасымен, одан әрі округ әкімі М.Жолдасқалиұлының, ауыл ардагері Қ.Сүлейменовтың ауыл тұрғындарына арнаған мерекелік құттықтауымен жалғасты.
Жиналған жұртшылыққа шашу шашылып, бауырсақ пен наурыз көже ұсынылды.
Шарада Аналар хоры, вокал үйірмесінің қыздар хоры, домбырашылар ансамблі және де мерекелік әндер мен билер шырқалып, өнерпаздар көрерменнің ыстық ықыласына бөленді.
