Егемен елдің ең басты мерекесі Республика күні қарсаңында «Сенімен Болашақ» республикалық қоғамдық бірлестігінің белсенділері аймақтарға шығып, «Ауыл – Алаш айнасы» жобасын жүзеге асыруда.
Бірлестіктіктің Атырау облысындағы сапары Жылыой ауданынан басталды. Бұл күні өндірісті өңірге филология ғылымдарының докторы, абайтанушы Омар Жәлелұлы, «Сенімен Болашақ» РКБ-нің құрылтайшысы, қоғам қайраткері, меценат Нұркен Жарылқапұлы, республикалық ата-аналар қоғамдық бірлестігінің төрағасы Жансая Бердімұратқызы келді. Олар осында жергілікті жұртшылық өкілдерімен жүздесті.
Басты мақсат жасөспірімдер арасындағы құқық бұзушылықтардың алдын алу, бала тәрбиесіне қатысты өзекті проблемаларды бірлесіп шешу, оңтайлы жолдарын іздестіру, - дейді жоба авторлары мен шараны ұйымдастырушылар.
Дәулетқали АРУЕВ
