Атырау облысы Полиция департаментінің нұсқауына сай, облыс аумағында жаяу жүргіншілердің қатысуымен жол-көлік оқиғалары жиі орын алуына байланысты, жүргізушілердің көлік жүргізу тәртібін арттыру, жол-көлік оқиғаларының санын азайту, сондай-ақ Жол жүрісі қағидаларын бұзудың алдын алу мақсатында, Индер ауданы аумағында ағымдағы жылдың 06-08 ақпан аралығында "Қауіпсіз жүргінші" атты рейдтік акциясы өткізілді.
Акция кезінде ҚР ӘҚБтК-нің 608 бабы 1 бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру)-1, ӘҚБтК-ң 600 бабы 1 бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау)-1, ӘҚБтК-нің 601 бабы 1 бөлігімен (Осы тараудың басқа баптарында көзделген жағдайларды қоспағанда, жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамау)-2, ӘҚБтК-нің 592 бабымен (Көлік құралының белгiленген жүру жылдамдығынан арттыру)-6 және т.б әкімшілік құқық бұзушылықтар анықталды.
