Ауданымыздағы денешынықтыру-сауықтыру кешенінде спорт ардагері, ҚР-ның құрметті спорт қайраткері Биғамбаев Мәлік Қабдрашұлының құрметіне арналған еркін күрестен жасөспірімдер арасында аудандық ашық біріншілік өткізілді.
Алдымен ашылу салтанаты өткізіліп, аудан әкімінің орынбасары А.Мурзин, облыстық дене шынықтыру және спорт басқармасы басшысының міндетін атқарушы Н.Төлеуова, Мәлік Қабрашұлының жаттықтырушысы С.Казанов сөз сөйлеген соң, спортшыларға сәттілік тіледі.
Жарысқа облысымыздың 5 ауданынан және көршілес Батыс Қазақстан обылысынан барлығы 120-ден аса спортшы 9 салмақ дәрежесі бойынша бақ сынасты.
Жарыс жеңімпаздары мен жүлдегерлер медаль және алғыс хатпен марапатталды.
