Гидропланы жеңіс сыйлады

Облыстық әдістемелік орталықтың ұйымдастыруымен 12 сәуір ғарышкерлер және ғылым қызметкерлері күніне орай физика пәнінен өткен «Жас өнертапқыштың алғашқы қадамы» атты облыстық оқушылар байқауы қорытындыланды.

Білім алушыларға ғылым мен техниканың түрлі саласында, өнертапқыштық, зерттеу жұмыстарына тарту, талантты балаларға қолдау көрсету, тұлғаның шығармашылық құзыреттілігінде бәсекелестік артықшылықтарын қалыптастыру мақсатымен жүзеге асқан байқау онлайн форматта өтті.

Оған облыстық, қалалық, аудандық білім беру ұйымдары және қосымша білім беру ұйымдарының оқушылары «Авиация саласындағы жобалар», «Космонавтика және аэрокосмос техникасы саласындағы жобалар» номинациялары бойынша қатысты.

Байқауға 17 жоба ұсынылып, оның 16-сы қаралып, қазылар алқасының шешімімен «Авиация саласындағы жобалар» номинациясы бойынша терең білімімен, жоғары шеберлігімен, шығармашылығымен ерекшеленген Мұхтар Әуезов атындағы орта мектептің 10 сыныптың озат оқушысы Мөлдір Адильгереева бірінші орынмен марапатталды.

Айта кетейік, аталған байқаудың аудандық кезеңі 6 сәуір күні өтіп, екі бағыт бойынша 15 оқушы қатысқан. Оқушының жетекшісі аталған мектептің физика пәнінің мұғалімі Файзолла Қабиевті сөзге тартқанымызда:

-Оқушым дисколет гидроплан ұшағын құрастырды. Ол ауыл шаруашылығы, жедел-жәрдем саласына, тау шатқалдарына қажет. Оның бір кәдімгі ұшақтардан айырмашылығы қанаты диск түрінде болып келеді. Оны ауаның көтергіш күшіне байланысты көлемін шағын етіп жасауға болады. Байқауға келетін болсам, оқушым жобасын өзі сәтті қорғап шықты,-дейді жетекшісі.

Жеңімпаздар мен олардың жетекшілеріне әдістемелік орталықтың арнайы дипломы мен алғыс хаты және сыйлықтары табысталды.

Диас АЙБАР

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы
16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru




Яндекс.Метрика