Индер ауданы Көктағай ауылының түлектері ауылдың кірме жолына "Көктоғай" атауымен маңдайша салып, елді қуантты.

Балалық бал дәурен шағының табы қалған ауылдан ұзап кетсе де өткенге деген ұлы сағынышы уақыт озған сайын ұлғайа беретін әдет әрбір адам баласының санасында қонақтап қала беретіні анық. Сол сағыныштың әсері болса керек Көктоғай ауылындағы Боран Нысанбаев атындағы орта мектепті бітірген 1983 жылғы өрендер өздері бастама көтеріп ауылдың кіре беріс маңдайшасын салып беріп, ауылдастарына қуаныш сыйлады.

Ауыл әкімі Мәмбетқали Құсайыновтың айтуынша, мектеп бітіргендеріне 20 жыл болған түлектер айтулы сәтті тамаша бастамамен ұштастырып отырған көрінеді. Жеріңде елім дейтін ер болғаны қандай жақсы. Кешегінің игі дәстүрін жаңғыртып, жақсылық жасауға асыққан жастарға жерлестері дән риза.

С.КӨШЕКОВ